Alternative content

05:06 21 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Bakı Avtovağzalı beynəlxalq istiqamətlərə mütəmadi reysləri barədə məlumat yayıb
Bakı Avtovağzalı beynəlxalq istiqamətlərə mütəmadi reysləri barədə məlumat yayıb
ANA SƏHİFƏ / CƏMİYYƏT
11:24 04.09.2018

Bakı Beynəlxalq Avtovağzal Kompleksi (BBAK) beynəlxalq istiqamətlərə mütəmadi fəaliyyət göstərən reysləri barədə məlumat verib.

Avtovağzaldan AZƏRTAC-a bildirilib ki, Bakı-Yessentuki-Kislovodsk reysi həftənin cümə axşamları həyata keçirir və biletin bir istiqamətə qiyməti 70 manat təşkil edir. Bakı-Moskva və Bakı-Nijniy Novqorod reysi həftənin çərşənbə və şənbə günləri, biletin bir istiqamətə qiyməti müvafiq olaraq 100 manat və 110 manat, Bakı-Kazan reysi həftənin çərşənbə axşamı və cümə günləri baş tutur və biletin bir istiqamətə qiyməti 100 manatdır. Həmçinin Bakı-Samara reysi həftənin cümə günü, biletin bir istiqamətə qiyməti 90 manat, Bakı- Tolyatti reysi həftənin cümə axşamı və bazar günləri, biletin bir istiqamətə qiyməti 90 manat, Bakı- Krasnodar reysi həftənin çərşənbə axşamı, cümə və bazar günləri, biletin bir istiqamətə qiyməti 83 manat, Bakı- Stavropol reysi hər 4 gündən bir, biletin bir istiqamətə qiyməti 47 manat olaraq fəaliyyət göstərir.

BBAK sərnişinlərdən xahiş edir ki, biletləri mütləq şəkildə onlayn qaydada (bbak.az saytından) və ya Bakı Beynəlxalq Avtovağzal Kompleksinin kassalarından əldə etsinlər. Avtovağzaldan hərəkət etməyən beynəlxalq istiqamətlərə sərnişin daşıyan avtobuslara görə BBAK məsuliyyət daşımır.

Xatırladaq ki, 5 yaşınadək uşaqlar üçün gediş haqqı (oturacaq verilməmək şərti ilə) pulsuzdur. 5 yaşından 10 yaşınadək uşaqlar üçün isə biletin qiymətinin 50 faizi ödənilir. Sərnişinlərin istəyinə uyğun olaraq, 5 yaşınadək uşaqlar üçün də bileti yarı qiymətinə əldə etmək olar. Ətraflı məlumat əldə etmək üçün (012) 406 01 58, (012) 406 01 59 telefon nömrələri vasitəsilə əlaqə saxlamaq mümkündür.