03 Sentyabr 2018 17:49
972
Təhsil
A- A+

Psixoloq: Məktəbi uşaqlara sevdirmək lazımdır


Artıq bir neçə gündən sonra yay tətili bitir və beləliklə məktəblilərin səbirsizliklə gözlədikləri dərs ili başlayır. Həmin günün başlanmasına ən çox sevinənlər isə birinci sinfə qədəm qoyacaq uşaqlardır. Çünki onların həyatlarında yeni bir mərhələ başlayır. Bu uşaqlar arasında adaptasiya problem ilə qarşılaşanlar da az olmur.

Bakının Nizami rayonundakı 214 nömrəli məktəbin psixoloqu Vüsalə Məmmədova bu məsələ ilə bağlı fikirlərini AZƏRTAC-a bildirib.

Onun sözlərinə görə, birinci sinfə gedən uşaqlar məktəb mühitinə - təlim prosesinə, nizam-intizam qaydalarına və s. uyğunlaşmağa başlayırlar. Bu isə uşaqlarda psixoloji–sosioloji adaptasiya problemləri yaradır. Həmin problem məktəbəqədər hazırlıq qrupunda iştirak etməyən şagirdlərdə daha çox müşahidə olunur.

"Hesab edirəm ki, məktəbi uşaqlara sevdirmək lazımdır. Əgər övladınız məktəbə hər hansı sevdiyi əşyanı və ya oyuncağı aparmaq istəyirsə ona mane olmaq lazım deyil. Çünki uşaq özü başa düşməlidir ki, bura bağça yox, məktəbdir. Bir çox halda valideynlər uşağın psixoloji vəziyyətindən daha çox onun aldığı qiymətlərlə maraqlanırlar. Bu, düzgün deyil. Belə olan halda uşaq valideyninin və ya yaxınlarının onu təkcə dərslərindəki uğura görə sevdiyini düşünməyə başlayır. Uşaqların kiçik uğurları ilə də sevinmək və onu hər zaman dəstəkləmək lazımdır”, - deyə V.Məmmədova bildirib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video