Alternative content

05:36 23 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Argentinada kütləvi etirazlar
Argentinada kütləvi etirazlar
ANA SƏHİFƏ / DÜNYA
06:08 31.08.2018

Maliyyə böhranı və büdcə xərclərinin azaldılması proqramı üzündən Argentinanı kütləvi etiraz aksiyaları bürümüşdür. Paytaxt Buenos-Ayresin mərkəzində on minlərlə adam universitetlərin müdafiəsi ilə bağlı şüarlar altında yürüş keçirmişdir. Onlar ali təhsil müəssisələrinin maliyyələşdirilməsində dövlətin iştirakının məhdudlaşdırılması planlarından narazıdırlar. Bu barədə “Rosbalt” agentliyi xəbər verir.

Aksiyada inflyasiyanın artması fonunda iqtisadi siyasəti dəyişdirmək tələbləri də səslənmişdir. Təkcə iki gün ərzində ABŞ dollarının Argentina pesosuna nisbətdə kursu təxminən 20 faiz artmışdır. Etirazçılar qiymət artımını hiss etdiklərini bildirmişlər. Yürüş zamanı onlar boş qazanlarla səs-küy salmışlar.

Hökumət isə əmin edir ki, hazırda defolt təhlükəsi mövcud deyil. Baş nazir Markos Penya bildirmişdir ki, hər şey plan üzrə gedir. İqtisadiyyat isə sadəcə dəyişikliklər dövrü yaşayır. Eyni zamanda Buenos-Ayres Beynəlxalq Valyuta Fondundan maliyyə yardımının növbəti tranşının köçürülməsini tezləşdirməyi xahiş etmişdir.