30 Avqust 2018 07:08
90
SİYASƏT
A- A+

Azərbaycanın və Gürcüstanın Baş nazirləri ölkələrimiz arasında əməkdaşlığın inkişaf perspektivlərini müzakirə ediblər

Azərbaycan Respublikasının Baş naziri Novruz Məmmədov avqustun 30-da ölkəmizə səfərə gələn Gürcüstanın Baş naziri Mamuka Baxtadze ilə görüşüb.

AZƏRTAC xəbər verir ki, əvvəlcə Azərbaycanın və Gürcüstanın Baş nazirlərinin təkbətək görüşü keçirilib.

Sonra Baş nazir Novruz Məmmədovun və Baş nazir Mamuka Baxtadzenin nümayəndə heyətlərinin iştirakı ilə geniş tərkibdə görüşü olub.

Azərbaycanın Baş naziri Novruz Məmmədov Mamuka Baxtadzeni Gürcüstanın Baş naziri vəzifəsinə təyin olunması münasibətilə təbrik etdi, ona fəaliyyətində uğurlar arzuladı. Azərbaycan-Gürcüstan əlaqələrinin bütün sahələrdə inkişaf etdiyini bildirən Novruz Məmmədov qeyd edib ki, Gürcüstanın Baş naziri təyin olunmasından qısa müddət sonra Mamuka Baxtadzenin Azərbaycana səfər etməsi dost ölkələrimiz arasındakı münasibətlərin çox yüksək səviyyədə olduğunun göstəricisidir.

Baş nazir Novruz Məmmədov Azərbaycanın Gürcüstan ilə əlaqələrə xüsusi önəm verdiyini vurğulayaraq deyib: “Ölkələrimiz arasındakı dostluq və əməkdaşlıq əlaqələrini daha da genişləndirmək qarşımızda duran əsas vəzifədir. Hesab edirəm ki, Sizin bu səfəriniz Azərbaycan-Gürcüstan münasibətlərinin bütün sahələrdə daha da möhkəmləndirilməsində mühüm rol oynayacaq”.

Novruz Məmmədov Azərbaycan-Gürcüstan strateji tərəfdaşlıq münasibətlərinin və ölkələrimizin iştirakı ilə reallaşdırılan strateji layihələrin regionun inkişafında və bölgədə sabitliyin təmin olunmasında mühüm rol oynadığını vurğulayıb.

Ermənistan-Azərbaycan Dağlıq Qarabağ münaqişəsi barədə danışan Baş nazir Novruz Məmmədov bildirib ki, münaqişə beynəlxalq hüququn norma və prinsipləri əsasında, ölkəmizin ərazi bütövlüyü çərçivəsində həll olunmalıdır. Bu, Azərbaycanın prinsipial mövqeyidir.

Gürcüstanın Baş naziri Mamuka Baxtadze də öz növbəsində, Novruz Məmmədovu Azərbaycanın Baş naziri təyin olunması münasibətilə təbrik edib, ona fəaliyyətində uğurlar arzulayıb. “Gürcüstan Dəmir Yolları” Səhmdar Cəmiyyətinin sədri vəzifəsində Azərbaycanda dəfələrlə olduğunu xatırladan Mamuka Baxtadze Gürcüstanın Baş naziri kimi Bakıya səfər etməsindən qürur hissi keçirdiyini qeyd edərək deyib: “Hər səfərimdə Bakının daha da gözəlləşdiyinin şahidi oluram. Azərbaycanın uğurları bizi çox sevindirir”.

Gürcüstanın Baş naziri səfər çərçivəsində bir sıra görüşlər keçirdiyini, səmərəli müzakirələrin aparıldığını diqqətə çatdıraraq bildirib ki, Azərbaycan və Gürcüstan strateji tərəfdaşdırlar, iki ölkə arasında möhkəm və tarixi köklərə əsaslanan dostluq münasibətləri mövcuddur. Bu əlaqələri daha da genişləndirmək üçün yaxşı imkanlar var.

Söhbət zamanı kənd təsərrüfatı, turizm, sərmayə qoyuluşu, həmçinin idman, təhsil sahələrində əməkdaşlığın inkişaf perspektivləri, qarşılıqlı maraq doğuran digər məsələlər müzakirə olunub.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video