Alternative content

17:15 23 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Braziliya Prezidenti Venesuela ilə sərhədə qoşun göndərdi
Braziliya Prezidenti Venesuela ilə sərhədə qoşun göndərdi
ANA SƏHİFƏ / DÜNYA
05:08 29.08.2018

Braziliya Prezidenti Mişel Temer ölkənin Venesuela ilə həmsərhəd rayonlarına ordu bölmələri göndərmək barədə sərəncam imzalamışdır. Məqsəd həmin rayonlarda yerli əhali ilə çoxsaylı venesuelalı miqrantlar arasında baş verən toqquşmaların qarşısını almaqdır.

Temer xalqa videomüraciətində qeyd etmişdir ki, bu addım Venesuela ilə həmsərhəd Rorayma ştatında qayda-qanunun bərqərar olunmasına yönəldilmişdir. Dövlət başçısı vurğulamışdır ki, qoşun Braziliya vətəndaşlarının, həmçinin ölkəsini tərk edən venesuelalı miqrantların təhlükəsizliyini təmin edəcək.

Qeyd edək ki, son illər Venesuela hiperinflyasiya, milli valyutanın devalvasiyası, ərzaq və dava-dərman çatışmazlığı ilə müşayiət olunan dərin sosial-iqtisadi böhran keçirir. Ağır vəziyyət üzündən bir çox venesuelalılar vətəni tərk etmək məcburiyyətində qalmışlar. BMT-nin verdiyi məlumata görə, artıq 2,3 milyon nəfər Venesueladan çıxıb getmişdir. Onlar əsasən, Kolumbiya, Ekvador, Peru və Braziliyada sığınacaq tapmışlar.