Alternative content

13:22 23 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Lerik rayonunda baş vermiş zəlzələdən sonra 60-dan çox afterşok qeydə alınıb
Lerik rayonunda baş vermiş zəlzələdən sonra 60-dan çox afterşok qeydə alınıb
ANA SƏHİFƏ / CƏMİYYƏT
04:08 29.08.2018

Avqustun 28-də Lerikdə baş verən zəlzələdən sonra indiyədək 60-dan çox afterşok qeydə alınıb. Gün ərzində zəif təkanların olacağı gözlənilir. Zəlzələ ocağında təhlükəli fəallıq müşahidə edilmir. Hazırda ərazidə vəziyyət normaldır, güclü təkanların olacağı ehtimalı yoxdur.

Bu barədə AZƏRTAC-a Azərbaycan Milli Elmlər Akademiyasının nəzdində Respublika Seysmoloji Xidmət Mərkəzinin baş direktoru Qurban Yetirmişli məlumat verib.

Baş direktor qeyd edib ki, ərazidə əsas enerji boşalması baş verib. Belə ki, 5,1 bal gücündə olan zəlzələdən sonra maqnitudası 3,7 və 3,1 bal təşkil edən iki yeraltı təkan qeydə alınıb və cüzi hiss olunub.

O, həmçinin deyib: “Mərkəzin cənub bölgəsində seysmoloji stansiyaları fəaliyyət göstərir. Bundan başqa, əməkdaşlarımız da zəlzələ baş verən əraziyə gediblər. Həmin ərazidə makroseysmik tədqiqatlar aparılacaq. Hansı ərazi və kəndlərin neçə ballıq zonaya düşdüyü müəyyənləşdiriləcək. Araşdırmaların nəticəsi olaraq izoseys xəritələri hazırlanacaq. Nəticədə zəlzələ baş verəndən sonra episentrdən dalğanın yayılmasının ocaq sönənədək, yəni 3,1 bala qədər hansı əraziləri əhatə etdiyi məlum olacaq”.