28 Avqust 2018 04:08
109
CƏMİYYƏT
A- A+

Yuxusuzluq orqanizmdə ciddi problemlər yaradır

Yuxusuzluq son illər insanların ən çox əziyyət çəkdiyi problemlərdən biridir. Alimlər yuxudan doymayan adamın bütün işləri ləng gördüyünü müəyyən ediblər. Yuxu rejiminin pozulmasından yaranan daimi yorğunluq isə çox vaxt adi hal alır. Daha çox iş adamları, tələbələr, kompüterlə məşğul olanlar yuxu problemləri ilə üzləşirlər.

AZƏRTAC xəbər verir ki, son illər ABŞ-da aparılan tədqiqatlar yuxusuzluğun diqqətsizlik və qıcıqlanma hallarından başqa daha ciddi fəsadlara səbəb olduğunu aşkar edib. Müəyyən olunub ki, yuxunun pozulması piylənməyə və arterial təzyiqin yüksəlməsinə səbəb ola bilər.

Yapon alimlərinin hesablamalarına görə, yuxusuzluq səbəbindən hər il ölkə iqtisadiyyatına çox böyük miqdarda ziyan dəyir. Bu mənada həftə ərzində gecə yuxusunu 3-4 saat azaltmaq gənc və sağlam adamların da səhhətinə təsir göstərir.

Ümumilikdə yuxusuzluq 90-dan çox xəstəliyin əlamətidir. Mütəxəssislərin fikrincə, yuxunu bir çox amillər poza bilər. Məsələn, günorta yuxusu insanın adi rejimini korlayır, hava qaralmadan yatağa girmək yuxunu qaçırır. Ağır şam yeməyi, yataq otağına gələn səs, işıq, günün ikinci yarısında qəhvə içmək, gecəyə qədər davam edən iş və yaxud emosional gərginlik də yuxu pozuntularına səbəb olur. Bu və bir sıra digər səbəblərdən çox vaxt yuxugətirici dərmanlardan istifadə edilir ki, bu da orqanizmə zərərli təsir göstərir. Bəzi hallarda yuxusuzluq həzm prosesinin pozulmasından da irəli gəlir. Ona görə də qida rasionuna fikir vermək lazımdır. Mədənin dolu olması da yuxuya mane ola bilər.

İlk növbədə, yuxusuzluqla üzləşməmək üçün sinir sistemi normal fəaliyyət göstərməlidir. Təcrübələr göstərir ki, yatmazdan əvvəl təmiz havada gəzməyin də rahat yuxuya böyük faydası var. Bundan başqa həmişə eyni mühitdə yatmağa çalışmaq lazımdır. Təxminən iki həftədən sonra artıq bu adət halı alır.

Normal gecə yuxusu aydın və xoş səhərlər vəd edir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video