28 Avqust 2018 10:08
111
SİYASƏT
A- A+

Gürcüstanın Azərbaycanda yeni səfiri təyin olunub

Gürcüstan Prezidenti Acarıstan Muxtar Respublikasının sabiq sədri Zurab Pataradzeni Azərbaycanda yeni səfir təyin edib.

AZƏRTAC xəbər verir ki, Gürcüstan Prezidentinin Sərəncamına əsasən Z.Pataradze avqustun 29-da Azərbaycanda səfir vəzifəsinin icrasına başlayacaq.

Gürcüstanın Azərbaycandakı hazırkı səfiri Teymuraz Şaraşenidze 2011-ci ildə bu vəzifəyə təyin olunmuşdu və onun diplomatik missiyası bu ildən başa çatıb.

Z.Pataradze bu ilin may ayında Acarıstan MR hökumətinin sədri vəzifəsindən istefa verib. O, 1996-cı ildən 2000-ci ilədək Acarıstan Daxili İşlər Nazirliyində kriminal polis departamentinin inspektoru işləyib. Sonra Gürcüstan DİN-in konsulluq şöbəsinə keçib və 2004-cü ildən diplomat kimi Rusiyada çalışıb. 2007-ci ilədək Gürcüstanın Rusiyadakı səfirliyində ikinci katib, müşavir olub. 2009-cu ildə İsveçrənin Rusiyadakı səfirliyində Gürcüstanın maraqlarını müdafiə edən konsul kimi fəaliyyət göstərib. 2009-2010-cu illərdə Salonikdə Gürcüstanın baş konsulu, 2011-2012-ci illərdə Gürcüstanın Türkiyədə baş konsulu olub.

Z.Pataradze 2012-ci ildən 2013-cü ilin mart ayınadək Gürcüstanın Türkiyədə, 2013-2016-cı illərdə isə Qazaxıstanda səfiri olub.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video