27 Avqust 2018 09:08
552
Səhiyyə
A- A+

Sağaldıcı xüsusiyyətə malik beş ot

İylər hansı problemlərin qarşısını ala bilər?

Hələ qədim zamanlardan insanlar müxtəlif xəstəliklərin müalicəsində efir yağlarından istifadə edirdilər.

AZƏRTAC xarici tibb saytlarına istinadla xəbər verir ki, günümüzdə alimlər də bu yağların sağaldıcı xüsusiyyətlərini elmi sübutlarla təsdiqləyirlər.

 

Adaçayı

 

Adaçayının faydaları hələ antik dövrlərdən insanlara məlum olub. O zamanlar adaçayının istifadəsi Aralıq dənizi sahilləri və Mərkəzi Asiyada daha geniş yayılmışdı. Belə ki, bu bitki antiseptik xüsusiyyətləri ilə spazmaların aradan qaldırılmasında istifadə edilib və bitkinin müalicəvi xüsusiyyətləri 2013-cü ildə aparılan tədqiqatlarda təsdiq olunub.

Bu bitkinin qoxusu və ondan hazırlanmış çay qadınlara xas qarın ağrıları zamanı kömək edir. Bununla yanaşı adaçayı stressi aradan qaldırır, hafizəni möhkəmləndirir.

Alimlərin fikrincə bu ot orqanizmi təmizləməklə yanaşı, qocalmağa və xərçəngə səbəb olan qeyri sabit molekul-sərbəst radikalların inkişafının qarşısını alan güclü antioksidantdır. Lakin onu da unutmaq olmaz ki, bəzən bir nahiyəyə faydalı olan digər hissəyə zərər verə bilər. Başqa sözlə desək hər bir şey qədərində daha gözəldir.

Digər aromatik yağlar kimi adaçayının da müəyyən istifadə qaydaları var. Onu gündə 15-60 dəqiqədən artıq olmamaq şərti ilə qəbul etmək olar. Əks halda bu ot əks təsir göstərə bilər. Bununla yanaşı həkimlər adaçayı qoxusunu hamilələrə məsləhət görmürlər. Belə ki, bu iy ana südünün çəkilməsinə səbəb ola bilər.

 

Nanə

 

Nanəni hələ qədim Misirdə istifadə etməyə başlamışdılar. Belə ki, burada efir yağlarının istehsalı yüksək səviyyədə idi. Onu da qeyd etmək lazımdır ki, nanə yarpaqları hələ eramızdan əvvəl 1000-ci ildə tikilmiş piramidalarda tapılıb.

Bu gün aparılan çoxsaylı tədqiqatlar sübut edir ki, nanə yağı bağırsağın qıcıqlanma sindromu zamanı yaranan ağrıları aradan qaldırır, mədə-bağırsaq pozuntularının və vərəm iltihabının qarşısını alır. 90 qram nanə cövhəri və 50 qram zirə yağının qarışımının mütəmadi istifadəsi funksional depressiyadan əziyyət çəkən pasiyentlərə müsbət təsir göstərib. Bundan əlavə Boston Universitetində aparılan bəzi tədqiqatlara görə nanə cövhəri yaddaşı möhkəmləndirir.

 

Portağal

 

Portağal və ondan hazırlanmış yağ sterssə dayanıqlılığı artırır. Bu səbəbdən masaj zamanı portağal yağından istifadə edilir. Bitkinin tərkibində olan linalool maddəsi isə gərginliyi aradan qaldırır, əsəb və ürək-damar sistemlərini sakitləşdirir. Bəzən sitrus bitkilərinin iyləri baş ağrılarının aradan qaldırılmasında da istifadə olunur.

Portağal essensiyası hətta ağır bağırsaq xəstəliyi olan salmonellyozun fəsadlarının aradan qaldırılmasına da kömək edə bilər. Portağal yağı bakteriyaların inkişafının qarşısını alır və əla antiseptikdir. Bu bitkinin çatışmayan yeganə cəhəti güclü allergen olmasıdır. Mütəxəssislər hər ehtimala qarşı istifadə zamanı portağal yağını digər maddələrlə qarışdırmağı məsləhət görürlər.

 

Darçın

 

Darçın fikrini toplamaqda çətinlik çəkənlərin köməyinə gələ bilər. Xüsusilə sürücülərin bu bitkidən istifadə etməsi məsləhətdir. Belə ki, darçın iyi sakitləşdirici effekti ilə yanaşı fikri cəmləməyə da kömək edir. Alimlər aparılan tədqiqatların əsasında bildiriblər ki, darçın iyi reaksiya cəldliyinə və motor qabiliyyətlərinin yaxşılaşmasına müsbət təsir göstərir. Tədqiqatçıların fikrincə bu müşahidələr gələcəkdə Alsheymer xəstəliyinin inkişafının qarşısını almağa kömək edə bilər.

Bundan əlavə darçının antibakterial və iltihab əleyhinə xüsusiyyətləri də var. Misal üçün, bu bitkinin iyi soyuqdəymə və buna səbəb olan baş ağrısının simptomlarını aradan qaldıra bilər.

 

Lavanda

 

Lavandanın narahatlığı, yuxusuzluğu və depressiyanı aradan qaldırdığını hər kəs bilir. Lakin çox az insan bu bitkinin saç uzadan xüsusiyyətlərindən xəbərdardır. Alimlər bildirirlər ki, hətta alapesiyanın bəzi növlərində belə bu bitki kömək edə bilər. Bəzi hallarda isə lavandanı ağrıkəsici, yara sağaldıcı kimi də istifadə etmək mümkündür. Misal üçün, bu bitkinin yağını yodla qarışdırıb yaraya sürtdükdə həmin nahiyənin daha tez sağalmasına kömək etmək ola.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video