27 Avqust 2018 05:08
209
DÜNYA
A- A+

İran və Suriya hərbi əməkdaşlıq haqqında müqavilə bağladılar

İran və Suriya müdafiə nazirlikləri hərbi-texniki əməkdaşlığın genişləndirilməsi haqqında müqavilə imzalamışdır. Bu barədə İRNA agentliyi xəbər verir.

Sənədi İranın müdafiə naziri Əmir Hatəmi və onun suriyalı həmkarı Əli Abdulla Əyyub imzalamışlar. Hatəmi danışıqların yekunlarını şərh edərkən bildirmişdir ki, “bu saziş ikitərəfli əməkdaşlığın inkişafı üçün geniş imkanlar yaradır”. Əyyub isə qeyd etmişdir ki, “Suriyada hərbi mərhələ başa çatmışdır və ölkənin bərpası dövrü başlayır”. O əlavə etmişdir ki, müqavilənin imzalanması Dəməşqlə Tehran arasında əməkdaşlığın inkişafına dəlalət edir.

Bundan başqa, Hatəmi vurğulamışdır ki, İran Suriyanın bərpasında iştirak etməyə və silah istehsalında ona kömək göstərməyə hazırdır: “İranın özəl sektoru Suriya xalqına və hökumətinə ölkənin bərpası prosesində kömək etmək üçün yetərli potensiala malikdir. Həmçinin İran İslam Respublikasının hərbi potensialı silah istehsalında Suriyaya yardımçı ola bilər”.

 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video