21 Avqust 2018 05:08
191
DÜNYA
A- A+

Türkiyə ABŞ-dan DTT-yə şikayət etdi

ABŞ-ın Türkiyədən idxal etdiyi alüminium və polada gömrük rüsumunu iki dəfə artırması ilə əlaqədar Ankara Dünya Ticarət Təşkilatına (DTT) şikayət etmişdir. Türkiyə DTT-dən məsələ ilə əlaqədar ABŞ-la məsləhətləşmələr keçirməyi xahiş etmişdir.

Ankaranın DTT-yə müraciətində vurğulanır ki, ABŞ-ın atdığı addım DTT-nin müddəalarına və 1994-cü il tarixli Tariflər və Ticarət haqqında Baş Sazişə uyğun deyil. Türkiyə DTT platformasında milli istehsalçıların hüquqlarını müdafiə etmək üçün bütün zəruri tədbirləri görəcək.

Şikayət daxil olduqdan sonra DTT iki tərəf arasında mübahisəni araşdırmağa başlayacaq. Tərəflər 60 gün ərzində məsələnin həlli yolunu tapa bilməsə, şikayətçi DTT-dən öz qərarını çıxarmağı xahiş edə bilər.

Qeyd edək ki, ABŞ-dan DTT-yə şikayət edən təkcə Türkiyə deyil. Bir müddət əvvəl Çin, Hindistan, İsveçrə, Norveç, Kanada, Rusiya, Meksika və Avropa İttifaqı da DTT-yə oxşar məzmunlu ərizə ilə müraciət etmişdir. 

 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video