Üzdəniraq “jurnalist”in yalanları
Hörmətli redaksiya!
1964-cü ildən başlayaraq 47 il fasiləsiz olaraq Bakının Binə qəsəbəsindəki 121 nömrəli orta məktəbdə ədəbiyyat müəllimi işləmişəm. 70 yaşım tamam olandan sonra istirahət etməyi qərara aldım.
Günlərin birində qapımızı özünü Nazilə Mustafazadə kimi təqdim edən, jurnalist olduğunu söyləyən cavan bir xanım döydü. Dedi ki, Xəzər rayonunun təhsil işçiləri haqqında kitab yazır. Evə dəvət etdik. Gedəndə ailə albomumuzdan 20 şəkil götürdü. Söz verdi ki, kitabında həyat yoldaşımın və mənim haqqımızda geniş məlumat yerləşdirəcək. Müqabilində 400 manat aldı. Bir-iki aya həm şəkillərimizi qaytaracağını, həm də yeni kitabını gətirəcəyini söylədi.
O vaxtdan 4 il keçir. Özünü jurnalist kimi təqdim edən “xanım” isə hələ də gəlib çıxmayıb. Ondan bizə qalan “Ömürlərdən səhifələr” adlı kitabı (2002-ci ildə “Steyk” KM-in mətbəəsində çap olunub) və söylədiyi yalanlardır. Bizi puldan çox əziz xatirə kimi saxladığımız şəkillərimizin əldən getməsi yandırır.
Sonradan bilmişik ki, bu “jurnalist” 10 nəfərdən çox müəllimin də hərəsindən 150-200 manat “qoparıb” və onların da şəkillərini alaraq aradan çıxıb. Aldadılmış müəllimlərin bir neçə nəfəri ilə eyni məktəbdə işləmişik. Onlar ağbirçək qadınlardır və adlarının çəkilməsini istəmirlər. Mən isə bu məsələnin axırına çıxmağı qərara almışam. Bir neçə televiziya kanalının “Qaynar xətt”inə müraciət etmişəm. Lakin hələ də nəticə yoxdur. Polisdən əldə etdiyim məlumata görə, Nazilə Bəybala qızı Mustafazadə Xaçmaz rayonunun Atatürk prospektindəki 84 nömrəli evdə qeydiyyatdadır.
Görəsən, belə fırıldaqçı qadın bizə vəd etdiyi yazıları hansı mənəviyyatla qələmə alacaqdı? “Azərbaycan” qəzetinin oxucuları arasında onu tanıyanlar varsa, bu işdə bizə kömək göstərmələrini xahiş edirik.
Ədalət BABAYEV,
Bakı şəhəri Xəzər rayonunun Mərdəkan qəsəbəsi
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Husilər tərəfindən iki ticarət gəmisi və bir Amerika esminesi hücuma məruz qalıb
25 Aprel
Bakıda Rusiya Kinosu Günlərinin təntənəli açılış mərasimi olub
24 Aprel
Türkiyə XİN 1915-ci il hadisələri ilə bağlı bəyanat yayıb
24 Aprel
COP29 Sədrliyi ölkə pavilyonlarının təşkili üzrə müraciətlərin qəbuluna başlayıb ...
24 Aprel
Azərbaycan Prezidentinin xüsusi tapşırıqlar üzrə nümayəndəsi BBC radiosuna müsahibə verib...
24 Aprel
Üzgüçülük üzrə açıq Azərbaycan çempionatı start götürüb
24 Aprel
XİN: Azərbaycan BMT-nin insan hüquqları sahəsində müvafiq müqavilə qurumları ilə əməkdaşlığa böyük ö...
24 Aprel
Qırğız Mədəniyyəti Günləri çərçivəsində Heydər Əliyev Mərkəzində sərgi açılıb
24 Aprel
Azərbaycan Kuboku: “Qarabağ” “Neftçi”ni cavab oyununda da məğlub edərək finala yüksəlib...
24 Aprel
Bakıda Qırğız Mədəniyyəti Günlərinin açılış mərasimi olub
24 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!