Alternative content

10:16 22 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Xərçəngin qarşısını alan tərəvəzlər
Xərçəngin qarşısını alan tərəvəzlər
ANA SƏHİFƏ / CƏMİYYƏT
02:08 16.08.2018

Kələm və brokolinin tərkibində olan kimyəvi maddələr mədə-bağırsaq sistemi xəstəlikləri, həmçinin yoğun bağırsaq xərçənginin qarşısını almağa kömək edə bilər. Bu barədə MedicalXspres saytında məlumat verilib.

AZƏRTAC RİA Novosti saytına istinadla xəbər verir ki, Britaniya alimləri gəmiricilər üzərində apardıqları tədqiqatlar zamanı onların orqanizminə Brassika qrupuna aid bitkilərdə mövcud ındol-3-carbinol (I3C) maddələr birləşməsinin təsirini araşdırıblar. Tədqiqatlardan məlum olub ki, bu birləşmə aril karbohidrogen reseptoru (AhR) adlı zülalı aktivləşdirir.

Mütəxəssislər qeyd edirlər ki, orqanizmdə bu zülalın çatışmazlığı bağırsaq iltihabına və onkoloji xəstəliklərə səbəb olur. Belə ki, orqanizmdə AhR olmadıqda qidalandırıcı maddələrin mənimsənilməsi və qoruyucu maddənin inkişaf etməsində problemlər yaşanır ki, bu səbəbdən də toxumaların formalaşmasında geriləmələr meydana çıxır. Lakin kələm pəhrizi epitel toxumaları bərpa olunmasına, bağırsaqların fəaliyyətinin normallaşmasına kömək edir, bədxassəli törəmələrin əmələ gəlmə riski əhəmiyyətli dərəcədə azalır.

Alimlərin fikrincə, tədqiqatların nəticələri tərəvəz pəhrizinin orqanizmə müsbət təsir göstərməsi ilə yanaşı, düzgün qidalanmanın yoğun bağırsaq xərçəngi ilə birbaşa əlaqədə olduğunu da bir daha sübut edib.