16 Avqust 2018 02:08
125
İQTİSADİYYAT
A- A+

Banklarda tətbiq ediləcək istehlak kreditləri üzrə vahid kredit şərtləri müzakirə olunub

Azərbaycan Banklar Assosiasiyasında (ABA) banklarda tətbiq ediləcək istehlak kreditləri üzrə vahid kredit şərtləri müzakirə olunub.

AZƏRTAC ABA-ya istinadla xəbər verir ki, Maliyyə Bazarlarına Nəzarət Palatasında hüquqi məsələlər üzrə Ekspert Qrupunun nəzdində yaradılmış, bankların təqdim etdikləri xidmətlər və məhsullara aid müxtəlif müqavilələrin unifikasiyası ilə bağlı İşçi Qrupunun iclası keçirilib. İclasda banklarda tətbiq ediləcək istehlak kreditləri üzrə vahid kredit şərtlərinin ilkin mətni üzərində İşçi Qrupuna üzv olan, müxtəlif bankları təmsil edən hüquqşünasların qeyd və təklifləri müzakirə edilib.

İclas zamanı şərtlərin tətbiq sahəsi dəqiqləşdirilib və ilkin olaraq yalnız istehlak kreditləri üzrə tətbiq ediləcəyi qərarlaşdırılıb.

Müəyyən edilib ki, banklar müştərilərlə bağlayacağı müqavilələrdə konkret kredit məhsulu üzrə, şərtlərin müddəalarına zidd olmayan xüsusi qaydalar və şərtlər barədə razılığa gələ bilərlər. Qanunvericilikdə mövcud olan bir çox anlayışlar mətndən çıxarılıb. Həm bankın, həm də müştərilərin hüquq və vəzifələri dəqiqləşdirilib. Bankların praktikaları nəzərə alınaraq bəzi şərtlər ümumiləşdirilib.

Eyni zamanda, qanunvericilikdə baş vermiş son yeniliklərə uyğun olaraq bəzi müddəalar həmin yeniliklərə uyğunlaşdırılıb.

Qeyd edək ki, Azərbaycan Banklar Assosiasiyası 1990-cı ildə kommersiya bankları tərəfindən təsis edilib. ABA-nın əsas məqsədi üzv-təşkilatların maraqlarını qorumaq, onların müxtəlif növ işgüzar xidmətlərə olan ehtiyaclarının ödənilməsinə yardım göstərmək və fəaliyyətlərini əlaqələndirməkdən ibarətdir. Hazırda 29 bank və 3 qeyri-bank təşkilatı ABA-nın üzvüdür.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video