Alternative content

17:59 25 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Əfqanıstanda “Taliban” hərəkatının hücumu nəticəsində azı 45 hərbçi həlak olub
Əfqanıstanda “Taliban” hərəkatının hücumu nəticəsində azı 45 hərbçi həlak olub
ANA SƏHİFƏ / DÜNYA
03:08 15.08.2018

Əfqanıstanın şimal-şərqində yerləşən Baqlan vilayətində “Taliban” hərəkatının hərbi bazaya hücumu nəticəsində təhlükəsizlik qüvvələrinin 45 əməkdaşı həlak olub.

AZƏRTAC “Tolo News” telekanalına istinadla xəbər verir ki, hadisə avqustun 15-nə keçən gecə baş verib. Həlak olanların 35-i hərbçi, 10-u isə yerli polis əməkdaşıdır.

Bu ərəfədə “Şahin” düşərgəsinin nümayəndəsi Məhəmməd Hənif Rezai taliblərin ölkənin şimal-qərbində yerləşən Fəryab əyalətindəki hərbi bazalardan birini ələ keçirdiyini bildirib. Bu bölgədə gedən döyüşlər nəticəsində Əfqanıstan ordusunun 17 əsgəri həlak olub, 12-si isə yaralanıb. Yerli şuranın rəhbəri Sıbhatullah Silab Müavinin sözlərinə görə, hücum vaxtı hərbi hissədə olan onlarla əsgərin taleyindən isə heç bir xəbər yoxdur.

Xatırladaq ki, 2014-cü ildə Amerikanın hərbi kontingenti Əfqanıstanı tərk etdikdən sonra ölkənin cənub rayonlarının bir çoxu “Taliban” hərəkatının nəzarətinə keçib. Son zamanlar bəzi kənd rayonlarında üstünlüyə yiyələnən yaraqlılar böyük şəhərlər istiqamətində də hücumlarını davam etdirir.