BATE-yə cavab qarşılaşmasında da uduzan “Qarabağ” mübarizəni UEFA Avropa Liqasında davam etdirəcək
Avqustun 14-də Ağdamın “Qarabağ” klubu futbol üzrə UEFA Çempionlar Liqasının III təsnifat mərhələsinin cavab matçında Belarusun BATE komandası ilə qarşılaşıb.
AZƏRTAC xəbər verir ki, Bakıdakı ilk oyunda minimal hesabla uduzan “Qarabağ” klubu “Borisov Arena”da keçirilən cavab görüşündə yüksək əzmkarlıq göstərsə də, istəyinə nail ola bilməyib.
Ağdam təmsilçisi oyuna daha fəal başlasa da, görüşdə ilk təhlükəli vəziyyəti ev sahibləri yaradıblar. Matçın 6-cı dəqiqəsində ağdamlıları əks-hücumda “yaxalayan” BATE-nin sürətli əks-hücumu zamanı qapıçı ilə təkbətək qalan Nikolay Sıqneviçin zərbəsini Hannes Halldorson dəf edə bilib. Matçın 8-ci dəqiqəsində isə “Qarabağ” təhlükəli vəziyyət yaradıb. Miçelin rəqibin cərimə meydançasına hava ötürməsini Mahir Mədətov başla İnnosent Emeqaraya yönəldib. Hücumçunun başla zərbəsindən sonra top qapıçıya toxunaraq meydanı tərk edib. Bundan dörd dəqiqə sonra BATE-nin kapitanı İqor Staşeviçin qüvvətli zərbəsi bir qədər dəqiq olmayıb.
Oyunda hesab matçın 20-ci dəqiqəsində açılıb. “Qarabağ”ın müdafiəçilərinin ötürmədəki kobud səhvindən istifadə edərək topu ələ keçirən Mirko İvaniç adını tabloya yazdırıb – 1:0.
Bu qoldan sonra hesabı bərabərləşdirmək üçün irəli atılan ağdamlılar oyunun ilk hissəsinin sonuna yaxın rəqibin qapısı qarşısında ardıcıl bir neçə təhlükəli vəziyyət yaradıblar. Matçın 36-cı dəqiqəsində künc zərbəsindən sonra Mahir Mədətovun başla vurduğu top qapıdan bir qədər aralı keçib. Birinci hissədə “Qarabağ”ın ən real qol imkanı matçın 43-cü dəqiqəsində yaranıb. Miçelin rəqibin cərimə meydançasına gözəl ötürməsindən sonra Mahir Mədətov bir qədər tələsərək topu saxlamadan qapıya zərbə endirsə də, qolkiper topu tuta bilib. Ağdam təmsilçisinin səylərinə baxmayaraq, ilk hissədə əlavə qol olmayıb və komandalar fasiləyə ev sahiblərinin minimal hesablı üstünlüyü ilə yollanıblar.
İkinci hissədə də yüksək əzmkarlıq göstərən “Qarabağ” komandası matçın 54-cü dəqiqəsində hesabı bərabərləşdirib. Ağdamlıların mərakeşli legioneri Abdullah Zubirin hava ötürməsindən sonra Mahir Mədətov topu başla Miçelə yönəldib. Miçel isə topu başla BATE-nin qapısından keçirib – 1:1.
Bu qoldan sonra təzyiqləri daha da artıran ağdamlılar matçın 77-ci dəqiqəsində meydanda sayca azlıqda qalıblar. İnnosent Emeqara ikinci sarı vərəqə ilə cəzalandırılaraq meydanı tərk edib. Sayca azlıqda qalmalarına baxmayaraq, hücumları davam etdirən “Qarabağ” rəqib qapısına növbəti dəfə yol tapa bilməyib və matç 1:1 hesablı heç-heçə ilə başa çatıb.
Beləliklə, iki oyunun nəticəsinə görə BATE klubuna 1:2 hesabı ilə məğlub olan “Qarabağ” komandası UEFA Çempionlar Liqasında mübarizəni dayandırıb. Ağdamlılar mübarizəyə UEFA Avropa Liqasında davam etdirəcək. UEFA Avropa Liqasında “Qarabağ” klubunun rəqibi play-off mərhələsində “Şerif” (Moldova)–“Valur” (İslandiya) duelinin qalibi olacaq.
BATE isə UEFA Çempionlar Liqasının play-off mərhələsində Hollandiyanın “PSV Eyndhoven” komandası ilə üz-üzə gələcək.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Taksi fənərləri ilə bağlı tələb müəyyənləşib
28 Mart
Qərbi Azərbaycan yallıları ilə bağlı kitabın təqdimatı olub
28 Mart
Buraxılış tarixi on beş ildən çox olan avtomobillər taksi kimi fəaliyyət göstərə bilməyəcəklər...
28 Mart
“The Nation” qəzeti: ABŞ söz və fikir azadlığını qoruduğunu bildirir, lakin jurnalistlərin qətlinin ...
28 Mart
Türkiyə Silahlı Qüvvələri son bir həftədə 38 terrorçunu zərərsizləşdirib
28 Mart
Korsikanın muxtariyyətinə dair qanun layihəsi qəbul olundu, deputat etiraz etdi: Bu, buxovdur
28 Mart
Beynəlxalq ekspert: COP29 Azərbaycanın iqtisadi mövqeyini gücləndirməsi üçün strateji fürsətdir...
28 Mart
Mahmud Abbas yeni hökumətin tərkibini təsdiqləyib
28 Mart
ABF rəsmisi: "Böyük İpək Yolu" turnirinin Bakıda keçirilməsi boksun ölkəmizdə inkişafının təzahürüdü...
28 Mart
Manə Mollayeva : Xallar əldə etmək üçün vuruşacağıq
28 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!