Alternative content

18:00 25 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV İran öz neftinin qiymətini aşağı salıb
İran öz neftinin qiymətini aşağı salıb
ANA SƏHİFƏ / DÜNYA
12:08 14.08.2018

Neft bazarında tələbatı və neft ixrac edən digər ölkələr tərəfindən həyata keçirilən endirimləri nəzərə alaraq İran öz neftinin qiymətini ucuzlaşdırıb.

AZƏRTAC xəbər verir ki, bu barədə IRNA agentliyi məlumat yayıb. Bildirilir ki, İran öz neftinin qiymətini aşağı salıb.

“Müştərilərə “qara qızıl”ın qiymətində güzəştlər tətbiq etmək bütün neft ixracatçıları tərəfindən həyata keçirilir və bu, qlobal neft bazarındakı əsasların bir hissəsidir”, - deyə İranın Neft Nazirliyinin adının açıqlanmasını istəməyən nümayəndəsi bildirib.

İran rəsmisi qiymətdəki endirimlərin nə qədər olduğunu açıqlamayıb.

Lakin ölkənin bəzi mətbu orqanları İranın avqust ayından etibarən neft qiymətinin 60-80 sent endirdiyini yazırlar.

Qeyd edək ki, İran ixrac etdiyi gündəlik orta hesabla 2 milyon 200 min barrel xam neftin yarısını Çin və Hindistana, 25 faizini isə Avropa ölkələri, Koreya Respublikasına və Yaponiyaya çatdırır.

Noyabrın 5-də qüvvəyə minəcək ABŞ-ın İrana qarşı sanksiyaları ilə əlaqədar Koreya Respublikası və Yaponiya İrandan neft idxalını dayandırmışdı.