Dağlıq Şirvan bölgəsində hansı taxıl sortları əkilməlidir?
Bitkiçilikdə məhsuldarlıq hər bir bölgə üçün sortların düzgün müəyyən edilməsindən asılıdır. Mütəxəssislər hər hansı bir bölgədə dənli bitkilərdə məhsuldarlığın 20-30 faiz, ekstremal şəraitdə isə daha çox məhz sortun düzgün seçilməsindən asılı olduğunu söyləyirlər. Artıq qarşıdan payız fəsli gəlir. Ərzaq təhlükəsizliyi üçün önəmli olan taxıl səpini kampaniyasına başlanılacaq. Bəs, respublikamızın əsas taxılçılıq zonalarından olan Dağlıq Şirvan bölgəsində hansı taxıl sortlarının əkini sərfəlidir?
Kənd Təsərrüfatı Nazirliyinin Əkinçilik Elmi-Tədqiqat İnstitutunun Qobustan Bölgə Təcrübə Stansiyasının (Qobustan BTS) direktoru Atabəy Cahangirov AZƏRTAC-ın bölgə müxbirinin sualına cavabında deyib:
- Dağlıq Şirvan bölgəsi əsasən nəmliklə sabit təmin olunmayan dağətəyi ərazilər olmaqla, həm də bəzi illərdə qışın sərt keçməsi ilə xarakterizə edilir. Digər tərəfdən, bölgədə şimaldan cənuba doğru həm nisbətən dağlıq (1000-1200 m), həm orta (600-800 m), həm də arana meyilli ərazilər var. Ona görə də bu bölgədə əkilən dənli bitki sortlarının şəraitə uyğun olaraq seçilməsi gələcək məhsuldarlıqda mühüm rol oynayır. Əvvəllər bu bölgədə ən çox yayılmış “Bezostaya 1” sortu və bərk buğda sortları əkilirdi. “Bezostaya 1” sortu gec yetişən, sarı pasa həssas və hündür boylu olduğundan yatmaya meyilli idi. Ona görə də bu sortun məhsuldarlığı xeyli aşağı olurdu. Tədqiqatlar göstərib ki, bölgənin yuxarıda qeyd etdiyimiz mürəkkəb torpaq iqlim şəraitinə malik olması səbəbindən bərk buğdaların becərilməsi bu yerlər üçün məqsədəuyğun deyil. Yuxarıda qeyd olunanları nəzərə alaraq, Qobustan BTS-da bölgənin torpaq iqlim şərtlərinə uyğun yüksək keyfiyyətli və məhsuldar buğda, arpa və ərzaq noxudu sortları yaradılıb. Həmin sortlardan buğdanın “Qobustan”, “Qızıl buğda”, “Ləyaqətli 80”, arpanın “Dəyanətli”, noxudun “Sultan” sortlarını misal göstərə bilərik. Bu sortların yaradılması zamanı bölgədə əvvəllər əkilən sortların bir sıra çatışmayan cəhətlərinin aradan qaldırılması məsələsi qarşıya qoyulub və buna nail olunub. Yaradılan sortlar sünbülləmə müddətinə, məhsuldar kollanmasına, yatmaya, boyuna, şaxtaya, xəstəliklərə və zərərvericilərə davamlılığına görə bir-birindən fərqlənməklə əvvəllər bölgədə tətbiq olunan sortlardan xeyli dərəcədə üstünlüyə malikdir. Əldə etdiyimiz sortlar bölgənin dağlıq, orta və aşağı hissələrində əkilmək üçün nəzərdə tutulub. Belə ki, “Qobustan” və “Qızıl buğda” sortlarının orta və aşağı ərazilərdə, “Ləyaqətli 80”nin aşağı, orta və həm də dağlıq ərazilərdə əkilməsi tövsiyə olunur. Stansiyada yaradılan arpa sortları isə bölgənin şəraitinə uyğun olaraq şaxtaya və yatmaya davamlılığı ilə fərqlənir və hər üç ərazidə yüksək məhsul verir.
“Stansiyada 2018-ci ildə hər hektardan məhsuldarlıq “Qobustan” buğda sortunda 30-35 sentner, “Ləyaqətli 80” buğda sortunda 30-33 sentner, “Dəyanətli” arpa sortunda 30-33 sentner, “Qızıl buğda” sortunda isə 28-30 sentner olub”, - deyən Atabəy Cahangirov bildirib ki, hazırda bu sortlar Dağlıq Şirvanın və respublikanın nəmliklə təmin olunmayan digər bölgələrində fermerlər tərəfindən geniş ərazilərdə əkilir və onlar tətbiq edilən yeni sortlar hesabına yüksək və keyfiyyətli məhsul əldə edirlər.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
"Avtomobil yolları haqqında" Azərbaycan Respublikasının Qanununda dəyişiklik edilməsi barədə...
29 Mart
Azərbaycan Respublikası Prezidentinin 2017-ci il 25 dekabr tarixli 1760 nömrəli Fərmanı ilə təsdiq e...
29 Mart
"Avtomobil yolları haqqında" Azərbaycan Respublikasının Qanununda dəyişiklik edilməsi barədə" Azərba...
29 Mart
“Müntəzəm və taksi minik avtomobili ilə sərnişin daşımalarında istifadə olunan avtonəqliyyat vasitəl...
29 Mart
“Ödəniş xidmətləri və ödəniş sistemləri haqqında” Azərbaycan Respublikasının 2023-cü il 14 iyul tari...
29 Mart
Azərbaycan Respublikası Nazirlər Kabinetinin 2020-ci il 10 yanvar tarixli 5 nömrəli Qərarı ilə təsdi...
29 Mart
“Azərbaycan Respublikası Prezidentinin “Azərbaycan Respublikasının Vergi Məcəlləsində dəyişiklik edi...
29 Mart
“Azərbaycan Respublikası Prezidentinin “Vətəndaşların müraciətləri haqqında” Azərbaycan Respublikası...
29 Mart
“Bakı şəhərətrafı dəmiryol nəqliyyatı ilə sərnişindaşıma fəaliyyəti üzrə subsidiya verilməsi Qaydala...
29 Mart
“Azərbaycan Respublikasında ixrac-idxal əməliyyatları üzrə gömrük rüsumlarının dərəcələri haqqında” ...
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!