13 Avqust 2018 05:08
103
DÜNYA
A- A+

Merkel Avropa ölkələrini birliyə çağırır

Avropa İttifaqı (Aİ) müasir çağırışlara cavab vermək üçün daha sıx birləşərək hərəkət etməlidir. Bu barədə Almaniya Kansleri Angela Merkel İspaniyanın Baş naziri Pedro Sançeslə birgə keçirdiyi mətbuat konfransında bildirmişdir.

Almaniya hökumətinin başçısı vurğulamışdır ki, Aİ ölkələri çağırışlara ancaq birgə cavab verə bilər. Merkel bu kontekstdə iqlim, azad ticarət və miqrasiya məsələlərinə toxunmuşdur. “Şadam ki, Almaniya və İspaniya qeyri-leqal miqrasiyanın qarşısının alınmasında ümumi fikirdədirlər. Aİ-nin heç bir ölkəsi bu məsələnin həllinin tapılmasından yayına bilməz” deyə Kansler əlavə etmişdir.

Merkel xüsusilə vurğulamışdır ki, Aİ Afrika ilə münasibətləri inkişaf etdirməlidir. Bu, qaçqın axınının qarşısını ala bilər. Kansler qeyd etmişdir ki, “biz Afrika haqqında deyil, Afrika ilə danışmalıyıq”. Onun dediyinə görə, elə bir vəziyyət yaratmağa cəhd etmək lazımdır ki, bu sahədə razılaşmalar bütün tərəflərə fayda versin. Merkel nümunə kimi Aİ-nin Türkiyə ilə bağladığı sazişləri göstərmişdir.

Həmçinin məlum olmuşdur ki, Berlin və Madrid qaçqınların qaytarılması üçün ikitərəfli saziş imzalamışlar. Saziş İspaniyada qeydiyyata düşmüş, lakin sonradan Almaniyaya gəlib çıxmış miqrantların geriyə qaytarılmasını nəzərdə tutur.

 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video