Alternative content

23:57 25 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Aşura mərasimi dövründə Gəncədə yeni terror aktları törətməyi planlaşdıran şəxs silahlı müqavimət göstərərkən məhv edilib
Aşura mərasimi dövründə Gəncədə yeni terror aktları törətməyi planlaşdıran şəxs silahlı müqavimət göstərərkən məhv edilib
ANA SƏHİFƏ / CƏMİYYƏT
12:08 13.08.2018

Gəncə hadisələrinin iştirakçısı, 1989-cu il təvəllüdlü Rəhimov Muraz Çapay oğlunun saxlanılması ilə əlaqədar avqustun 10-da Sumqayıtda Daxili İşlər Nazirliyinin əməkdaşları tərəfindən əməliyyat tədbiri keçirilib.

Hüquq-mühafizə orqanlarından AZƏRTAC-a bildiriblər ki, əməliyyat zamanı M.Rəhimov silahlı müqavimət göstərdiyindən məhv edilib.

Radikal dini cərəyanlara meyilli Muraz Rəhimov 2012-ci ildə Bakıda keçirilmiş “Eurovision” mahnı müsabiqəsi öncəsində paytaxtda partlayış törətmək niyyətində olub. Həmin dövrdə onun yaşadığı mənzildən qumbara aşkarlandığına görə o, məhkum edilib.

Muraz Rəhimov cəzaçəkmə müəssisəsində olarkən qadağan edilən əşya saxladığına görə yenidən cinayət məsuliyyətinə cəlb edilərək məhkum olunub. O, cəzaçəkmə müəssisəsində olarkən “Müsəlman Birliyi Hərəkatı”na qoşularaq daha aqressiv mövqe göstərməyə başlayıb.

İyulun 10-da Muraz Rəhimov Gəncədə törədilmiş iğtişaşlarda iştirak etdikdən sonra həbs olunmamaq üçün paytaxta gəlib, müxtəlif ünvanlarda kirayədə yaşayaraq gizlənib.

Muraz Rəhimovun 2018-ci il Aşura mərasimi dövründə Gəncənin imamını və polis əməkdaşlarını öldürməyi planlaşdırdığı müəyyən edilib.