11 Avqust 2018 02:08
137
DÜNYA
A- A+

Rəcəb Tayyib Ərdoğan: ABŞ Türkiyəni yeni müttəfiqlər axtarmağa vadar edir

ABŞ-ın Türkiyəyə qarşı atdığı birtərəfli addımlar sadəcə Amerikanın maraqlarına zərbə vurur və Ankaranı yeni müttəfiqlər axtarmağa məcbur edir.

AZƏRTAC Anadolu informasiya agentliyinə istinadla xəbər verir ki, bunu Türkiyə Prezidenti Rəcəb Tayyib Ərdoğan “The New York Times” qəzetində dərc olunan “Türkiyə ABŞ-la böhranı necə görür” başlıqlı məqaləsində yazıb.

“Şərin bütün dünyada pusquya yatdığı bir dönəmdə müttəfiqimiz ABŞ-ın Türkiyəyə qarşı atdığı birtərəfli addımlar sadəcə Amerikanın maraqlarına və təhlükəsizliyinə zərər vurur. Çox gec olmadan Vaşinqton münasibətlərimizin asimmetrik ola biləcəyi barədə səhv mülahizələrini bir kənara qoymalı və Türkiyənin alternativlərə sahib olduğunu qəbul etməlidir. Bu birtərəflilik və hörmətsizlik trendindən dönməzlərsə, yeni dostlar və tərəfdaşlar axtarmağa başlayacağıq”, - deyə Ərdoğan vurğulayıb.

Onun sözlərinə görə, son illər fikir ayrılıqları hər iki ölkənin münasibətlərinin möhkəmliyini sınağa çəkir, Türkiyənin bu tendensiyanı dəyişmək səyləri nəticəsiz qalır. “Əgər Birləşmiş Ştatlar Türkiyənin suverenliyinə hörmətlə yanaşmasa və xalqımız qarşısında duran çağırışları anladığını isbat etməsə, bizim tərəfdaşlığımız təhlükə altına düşə bilər”, - Türkiyə lideri belə hesab edir.

İki ölkənin münasibətləri ABŞ Prezidenti Donald Trampın Türkiyədən idxal olunan alüminium və polada rüsumları müvafiq olaraq 20 və 50 faiz artırmaq barədə qərarından sonra daha da kəskinləşib. Bu qərar türk lirəsinin dollara nisbətdə kəskin ucuzlaşmasına səbəb olub.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video