10 Avqust 2018 09:08
387
DÜNYA
A- A+

Əfqanıstanın təhlükəsizlik qüvvələri “Taliban”ın Qəzni şəhərinə hücumunu dəf edib

Əfqanıstanın təhlükəsizlik qüvvələri “Taliban” hərəkatının Qəzni vilayətinin eyni adlı administrativ mərkəzinə hücumunu dəf edə biliblər. Toqquşmalar nəticəsində azı 16 nəfər həlak olub, 33 nəfər isə yaralanıb.

AZƏRTAC TASS informasiya agentliyinə istinadla xəbər verir ki, həlak olanların 14-ü hərbçi, 2-si isə dinc sakindir. Agentliyin məlumatına əsasən, təhlükəsizlik qüvvələrinin əks-hücumu nəticəsində yaraqlılar geri çəkiliblər. Şəhərdə və onun ətrafında əməliyyatlar davam edir.

Xatırladaq ki, avqustun 10-da səhər saatlarında taliblər şəhərin müxtəlif rayonlarına, o cümlədən yerli polis şöbəsinə, milli təhlükəsizlik idarəsinə və qubernatorun işlər idarəsinə silsilə hücumlar təşkil etmişdilər. “Taliban” nümayəndələrinin sözlərinə görə, onlar Qəzni yaxınlığında bir neçə blokpostu ələ keçirməyə müvəffəq olublar.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video