10 Avqust 2018 09:08
216
İQTİSADİYYAT
A- A+

Bakıda Azərbaycan-Tacikistan işgüzar görüşü keçirilib

 

Avqustun 10-da Bakıda Azərbaycan-Tacikistan işgüzar görüşü keçirilib. Tədbirdə hər iki tərəfdən rəsmi şəxslərlə yanaşı, sənaye, tikinti, İKT, turizm, maliyyə, logistika, nəqliyyat və sair sahələrdə fəaliyyət göstərən 40-dan çox iş adamı iştirak edib.

AZƏRTAC xəbər verir ki, iqtisadiyyat naziri Şahin Mustafayev işgüzar görüşün Tacikistan Prezidentinin Azərbaycana rəsmi səfəri çərçivəsində təşkil olunduğunu və belə tədbirlərin mütəmadi olaraq keçirildiyini vurğulayıb.

2017-ci ildə Bakıda keçirilmiş Azərbaycan-Tacikistan Hökumətlərarası Komissiyasının 4-cü iclası çərçivəsində Tacikistanın investisiya imkanlarına dair təqdimatın təşkil olunduğunu xatırladan nazir bugünkü tədbirin də ölkələrimiz arasında əməkdaşlığın genişləndirilməsi baxımından səmərəli olacağına əminliyini bildirib. Vurğulanıb ki, işgüzar görüşdə bir çox Azərbaycan şirkətlərinin nümayəndələrinin iştirak etməsi yerli sahibkarların Tacikistan iqtisadiyyatına olan marağını göstərir. Ölkələrimiz arasında müxtəlif sahələrdə əlaqələrin uğurla inkişaf etdiyini qeyd edən Ş.Mustafayev sənaye, kənd təsərrüfatı, İKT və digər sahələrdə əməkdaşlıq, birgə layihələrin reallaşdırılması, iqtisadi-ticarət əlaqələrinin genişləndirilməsi üçün böyük imkanların olduğunu diqqətə çatdırıb.

Tacikistanın iqtisadi inkişaf və ticarət naziri Nematcon Hikmatullozoda qeyd edib ki, Tacikistan Prezidentinin Azərbaycana rəsmi səfəri və səfər çərçivəsində keçirilmiş yüksək səviyyəli görüşlər ölkələrimiz arasında iqtisadi-ticarət əlaqələrinin inkişafı üçün geniş imkanların olduğunu göstərir. Azərbaycan və Tacikistan arasında geniş müqavilə-hüquqi bazanın olduğunu bildirən nazir səfər çərçivəsində də bir çox sənədlərin imzalandığını və qanunvericilik bazasının daha da genişləndiyini qeyd edib. O, Azərbaycan-Tacikistan Hökumətlərarası Komissiyasının fəaliyyətinin müxtəlif sahələrdə əlaqələrin inkişafı və yeni əməkdaşlıq sahələrinin müəyyənləşdirilməsi baxımından önəmli olduğunu bildirib.

Tacikistanın investisiya imkanlarına və ikitərəfli əməkdaşlığın genişləndirilməsinə dair təqdimatında isə nazir ölkəsinin iqtisadiyyatına, investisiya imkanlarına, həyata keçirilən layihələrə və potensial əməkdaşlıq istiqamətlərinə dair məlumat verib, Azərbaycan iş adamlarını Tacikistanda həyata keçirilən layihələrdə fəal iştiraka və investisiya qoyuluşuna dəvət edib.

Sonra işgüzar görüşdə iştirak edən şirkət təmsilçiləri fəaliyyətləri barədə məlumat verib, sənaye, İKT, kənd təsərrüfatı, nəqliyyat sahələrində əməkdaşlıq imkanları müzakirə edilib, iş adamlarını maraqlandıran suallar cavablandırılıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video