Alternative content

07:52 26 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Azərbaycan yazıçıları Daşkənddə beynəlxalq konfransda iştirak ediblər
Azərbaycan yazıçıları Daşkənddə beynəlxalq konfransda iştirak ediblər
ANA SƏHİFƏ / Mədəniyyət
03:08 10.08.2018

Daşkənddə “Klassik və müasir özbək ədəbiyyatının xarici ölkələrdə təbliği və populyarlaşdırılmasının aktual məsələləri” mövzusunda beynəlxalq konfrans keçirilib.

Özbək Dili və Ədəbiyyatı Universitetində keçirilən tədbirə dünyanın 40-dan artıq ölkəsindən gələn yazıçılar, şairlər, ədəbiyyatşünas və tənqidçilər qatılıblar.

Konfransda ölkəmizi Azərbaycan Yazıçılar Birliyinin (AYB) sədri, Xalq Yazıçısı Anar və həmin qurumun dramaturgiya bölməsinin rəhbəri, yazıçı Firuz Mustafa təmsil edib.

Toplantının iştirakçıları əvvəlcə böyük özbək şairi Əlişir Nəvainin abidəsi önünə əklil qoyub, sonra Ədiblər Xiyabanına gedib, Özbəkistan Yazıçılar Birliyinin (ÖYB) yeni istifadəyə verilmiş binasında olublar.

Konfrans işinə Özbəkistan prezidentinin tədbir iştirakçılarına ünvanladığı təbrik məktubunun oxunması ilə başlayıb.

ÖYB-in sədri Siracəddin Səyyid konfransın məramı və məqsədi haqqında məlumat verib, klassik və müasir özbək ədəbiyyatının aktual problemləri və onun beynəlxalq aləmdə təbliği ilə bağlı ətraflı söhbət açıb.

AYB-in sədri Xalq yazıçısı Anarın Azərbaycan və özbək xalqlarının çoxəsrlik ədəbi-mədəni əlaqələrinə həsr olunmuş çıxışı iştirakçılar tərəfindən alqışlarla qarşılanıb.

Sonra konfrans öz işini bölmələr üzrə davam etdirib.

Yazıçı-filosof Firuz Mustafanın “Müstəqillik mərhələsində özbək-Azərbaycan ədəbi əlaqələrinin mühüm aspektləri” mövzusunda etdiyi çıxış da maraqla dinlənilib, çıxışçı ÖYB-in xüsusi diplomu ilə mükafatlandırılıb.

Konfrans çərçivəsində AYB-in sədri Anarla ÖYB-in rəhbəri Siraciddin Səyyid arasında gələcək ədəbi əlaqələrin daha da inkişaf etdirilməsinə dair memorandum imzalanıb.