Alternative content

21:39 19 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Sumqayıtda könüllülər arasında minifutbol yarışı keçirilib
Sumqayıtda könüllülər arasında minifutbol yarışı keçirilib
ANA SƏHİFƏ / İDMAN
12:08 10.08.2018

 

Sumqayıt Şəhər Gənclər və İdman Baş İdarəsinin təşkilatçılığı ilə respublika Təhsil İdman Mərkəzi Sumqayıt şəhər 1 saylı uşaq-gənclər idman şahmat məktəbində Beynəlxalq Gənclər Gününə həsr edilmiş minifutbol üzrə yarış keçirilib.

Şəhərin müxtəlif sahələrini təmsil edən gənc könüllülər arasında təşkil edilən yarışın iştirakçıları  minifutbol meydançasında düzülərək sıra ilə tribuna qarşısından keçiblər.

Tədbirdə çıxış edən Sumqayıt Şəhər Gənclər və İdman Baş İdarəsinin Gənclərlə iş sektorunun müdiri Ceyhun Hüseynov iştirakçıları salamlayaraq, əsası ümummilli lider Heydər Əliyev tərəfindən qoyulmuş dövlət gənclər siyasətindən, gənc nəslə göstərilən diqqət və qayğıdan danışıb.  Qeyd edilib ki, məqsəd “Azərbaycan gəncliyi 2017-2021-ci illərdə” Dövlət Proqramından irəli gələn vəzifələri icra etmək, gənclərin hərtərəfli inkişafına nail olmaq, sağlamlıqlarını möhkəmləndirmək, asudə vaxtlarının səmərəli təşkili, həmçinin fiziki potensialının üzə çıxarılmasıdır. Bu gün Sumqayıtda gənclərin hərtərəfli inkişafı üçün əlverişli şərait yaradılıb və  müasir tələblərə cavab verən idman obyektləri istifadəyə verilir. Yeni dərs ilinin başlanmasına qədər daha bir neçə idman növü üzrə  yarışların keçirilməsi də nəzərdə tutulub.

Daha sonra turnirə start verilib. Yarışda ümumilikdə 6 komanda və hər komandadan 6 nəfər olmaqla, 36 gənc qalib adı uğrunda mübarizə aparıb.

Gərgin keçən yarışmanın yekun nəticəsinə əsasən I yerə QAC Sumqayıt şəhər bölməsinin “Qızıl Aypara Mobil Dəstə”, II yerə “QAC Sumqayıt” və III yerə isə Sumqayıt Asan Xidmət Mərkəzinin “Mübariz” adlı komandası layiq görülüb.

Qalib komandalar şəhər Gənclər və İdman Baş İdarəsinin kubok, medal və  fəxri fərmanları ilə təltif ediliblər.

 

Akif ƏLİYEV,

“Azərbaycan”