09 Avqust 2018 09:08
145
İQTİSADİYYAT
A- A+

“MİR 24” telekanalı: Bakı rusiyalıların yay istirahəti üçün MDB-də ən populyar şəhərə çevrilib

“MİR 24” telekanalının Azərbaycana həsr etdiyi süjetdə turistləri Odlar Yurduna cəlb edən amillərdən danışılır.

AZƏRTAC xəbər verir ki, süjetdə Bakının rusiyalıların yay istirahəti üçün MDB-də ən populyar şəhərə çevrildiyi qeyd olunur. Azərbaycan paytaxtını bu mövsümdə artıq 1 milyondan çox turist ziyarət edib. Bakının vizit kartı – İçərişəhərdir. O, turistləri qədim Şərq arxitekturasına məxsus orijinallığı ilə cəlb edir.

Turistlərdən biri deyir: “Şərq ilə Avropanın harmoniyası belədir: Bakı qədim, eyni zamanda, müasir şəhərdir. Bununla da həmişə diqqət çəkir”.

Bakıda ən məşhur yerlərdən biri Kiçik Qala küçəsidir. Burada A.Qaydayın “Brilyant əl” komediyasının epizodu çəkilib. Səyahətçilərin əksəriyyəti Qız Qalasını görmək üçün Bakıya səfər edir. Ağzının dadını bilən turistləri Bakıda milli mətbəx və Qafqaz qonaqpərvərliyi cəlb edir.

“Təkcə evində qonaq olduğumuz dostlarımızın deyil, həm də burada yaşayan bütün insanların qonaqpərvərliyi hər şeydən çox xoşuma gəldi. Hətta yolu soruşduqda belə hamı rus dilində cavab verir, rus dilində danışır”, - deyə digər turist bildirib.

Turizm sahəsi üzrə ekspert Eduard Şalonosov MDB ölkələrinin rusiyalı turistləri nə ilə cəlb etdiyi barədə fikirlərini “MİR 24” telekanalı ilə bölüşüb.

-Bu il Bakı turistlər üçün MDB-nin baş şəhəri adlandırılıb. Bu nə ilə bağlıdır?

-Birincisi, biz hazırda İtaliya, İspaniya və digər ölkələrdə anomal istilər müşahidə edirik. İkincisi, Azərbaycana gələrkən biz başa düşürük ki, bu ölkə daha təhlükəsizdir.

Bütün sosial şəbəkələrdə, mediada belə bir videoçarx göstərildi - Fransaya gəlsəniz, siz baqajsız qalacaqsınız. Hər halda istirahətə getmək arzusunda olan turist fikirləşmir ki, özü ilə hansı zirehli geyim, müdafiə olunmaq üçün hansı avtomat silah götürsün. Hamımız bilirik ki, Avropaya Suriya və Əlcəzairdən 2 milyondan çox miqrant gəlib. Bu, həqiqətən çox təhlükəlidir. Bakını isə təhlükəsiz şəhər adlandırmaq olar.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video