Alternative content

19:54 25 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Yəməndə bombardman zamanı ölənlərin sayı 39-a çatdı
Yəməndə bombardman zamanı ölənlərin sayı 39-a çatdı
ANA SƏHİFƏ / DÜNYA
04:08 09.08.2018

Yəmənin şimal-qərbində Səədə əyalətində Səudiyyə Ərəbistanının başçılıq etdiyi koalisiyanın hərbi hava qüvvələrinin bombardmanı nəticəsində azı 39 nəfər həlak olmuş, 43 nəfər yaralanmışdır. Bu barədə “əl-Məyadin” telekanalı xəbər verir.

Yerli “Səbə” agentliyinin xəbərinə görə, ölənlərin əksəriyyəti uşaqlardır. Belə ki, zərbə Dəhyan yaşayış məntəqəsində məktəbliləri daşıyan avtobusa endirilmişdir.

Xatırladaq ki, 2014-cü ilin avqustundan bəri Yəməndə hökumət qoşunları ilə qiyamçı hövsilər arasında qarşıdurma davam edir. 2015-ci ilin martında Səudiyyə Ərəbistanının başçılıq etdiyi ərəb koalisiyası ölkədə vəziyyətə müdaxilə edəndən sonra qarşıdurma daha da kəskinləşmişdir.

Yəmənin İnsan Hüquqları və İnkişaf Mərkəzindən verilən məlumata görə, 2015-ci ilin yazından bəri ölkədə 10 mindən çox dinc sakin, o cümlədən 2400 uşaq və 2 minə yaxın qadın həlak olmuşdur. Həmin dövrdə 18,5 min nəfər yaralanmışdır.