Paşinyanın etirafları xaricdəki tərəfdaşlarına baha başa gəlib
“Məxməri inqilab”ı maliyyələşdirənlər sırasında Rusiyada yaşayan çoxsaylı erməni “elitar” dairələr də olub
Ermənistanın ikinci prezidenti Robert Koçaryanın həbsi fonunda adı çəkilən ölkənin ictimai-siyasi həyatında maraqlı proseslər müşahidə olunmaqdadır. Belə görünür ki, “Qarabağ klanı”na daxil olanlar artıq Robert Koçaryanın ətrafında birləşib Nikol Paşinyan iqtidarına qarşı müqavimət təşkil etməyi düşünürlər. Ermənistan parlamentinin vitse-spikeri Eduard Şarmazanov bunun səbəbini belə izah edir: “Nikol Paşinyanın rəhbərlik etdiyi yeni hökumət bolşevik inqilab komitələri kimi hərəkət edir. Onlar istənilən şəxsə, hətta eks-prezident Serj Sarkisyana qarşı da cinayət işi aça bilərlər. Koçaryanın ətrafında yaranan situasiya Ermənistan və Qarabağ kontekstində həddən artıq narahatlıq yaradır. Aydındır ki, bunun üçün siyasi və şəxsi əsaslar var. Bu proses özündə neobolşevizm elementlərini daşıyır”.
Qeyd edək ki, xüsusi istintaq xidməti 26 iyulda 1 mart 2008-ci il etiraz aksiyalarının dağıdılması haqqında cinayət işi çərçivəsində Koçaryanın konstitusiya quruluşunun devrilməsi üzrə ittiham təqdim edib. Sabiq prezident bir gün sonra iki aylıq həbs edilib. Koçaryanın özü ittihamları saxta hesab edir. Sabiq prezidentin fikrincə, bu, növbədənkənar parlament seçkiləri ərəfəsində siyasi proseslərdə onun iştirakını neytrallaşdırmaq arzusu ilə bağlı ola bilər. Koçaryanın vəkilləri həbsdən apelyasiya məhkəməsinə şikayət ediblər.
Erməni politoloq Vigen Akopyan isə bildirir ki, Koçaryanın həbsi ölkədə yeni müxalif qütbün formalaşmasına gətirib çıxaracaq: “Artıq ölkədə müxalif qüvvə yox, qütb formalaşır. Belə ki, bu gün Respublika və Daşnaksütyun partiyaları istisna olmaqla, bütün partiyalar indiki hökumətin mövqeyini ya qismən, ya da tam dəstəkləyirlər. Bununla da, Respublika və Daşnaksütyun partiyaları yeni müxalifət yarada bilərlər. Bütün proseslər isə Koçaryanın həbsinin ətrafında gedir. Koçaryan Yerevana qayıdan zaman həbs ediləcəyini böyük ehtimalla bilirdi. Onun bu qərarına bir neçə faktor təsir edib. Belə ki, ya eks-prezidentə toxunulmazlıqla bağlı xarici və daxili zəmanətlər verilib, ya da ki, o, böyük siyasətə qayıtmaq qərarına gəlib. Bu işdə ona əsas dəstək Respublika Partiyasından gələcək və böyük ehtimalla gələcəkdə buna Daşnaksütyun Partiyası da qoşulacaq. Koçaryanla adı birlikdə çəkilən digər partiya - “Çiçəklənən Ermənistan” isə hələlik gözləmə mövqeyindədir. Ola bilsin ki, bu partiya xarici səfirliklərin Koçaryanın həbsi ilə bağlı reaksiyalarını gözləyir. Bu reaksiyalardan sonra partiya özünün gələcək fəaliyyətini müəyyən edəcək”.
Bu arada Paşinyana qarşı daha bir addım onun xaricdəki sponsorlarının sıradan çıxarılmasıdır. Erməni mediası yazır ki, Serj Sarkisyanın istefası ilə nəticələnən “məxməri inqilab”ı maliyyələşdirənlər sırasında Rusiyada yaşayan çoxsaylı erməni “elitar” dairələr də olub. Bu barədə 26 iyulda Sankt-Peterburqda erməni sahibkarlarla görüşən Ermənistanın baş naziri Nikol Paşinyan özü etiraf edib və bildirib ki, inqilabın davam etdirilməsi üçün Rusiyadan ilk pullar Saxalindən göndərilib. Lakin Paşinyanın bu etirafı onun Rusiyadakı sponsorlarına baha başa gəlib.
Paşinyanın açıq şəkildə Rusiyadakı tərəfdaşlarını tanıtması orada yaşayan və özünü indiyədək Rusiya yanıqlısı kimi qələmə verən erməni biznesmenlərinin narahatlığına səbəb olub. Aydınlaşıb ki, onların bu narahatlığı əsassız deyil. Rusiyanın televiziya kanallarına istinad edən erməni mediası bildirir ki, Rusiyadakı “Qazbank”ın lisenziyasının əlindən alınması, onun sahiblərindən biri - “Rosnano”nun sədr müavini, erməni oliqarx Vladimir Avetisyanın biznes-imperiyasının çöküşü məhz Ermənistandakı hakimiyyət çevrilişinin sponsorları olması ilə əlaqədardır.
Qeyd olunur ki, “Qazbank” guya “dostları üçün” digər banklar vasitəsilə ilə də dəfələrlə irimiqyaslı pul köçürmələri həyata keçirib. Bunu əsas gətirərək, Rusiya Mərkəzi Bankı onun lisenziyasını əlindən alıb, bankın idarə heyəti isə Rusiya Federal Təhlükəsizlik Xidmətinin nəzarətinə düşüb. Lakin görülən tədbirlərin başlıca səbəbi bankın Ermənistandakı siyasi çevrilişi maliyyələşdirməsi və Avetisyanın “məxməri inqilab”ın sponsoru olmasıdır. Hətta onun Paşinyanın qohumu olması da iddia edilir.
Ermənistandakı aprel hadisələrini Rusiyanın Samara əyalətinin kredit təşkilatı rəhbərlərindən birinin Qriqori Ohanesyanın olduğu “AktivKapital Bank”ın da maliyyələşdirdiyi bildirilir. Bu bankın da lisenziyası əlindən alınıb. Məlumatlara görə, Ohanesyan bankdan oğurladığı 25 milyard rubl pulla Ermənistana gedib və inqilabçılara dəstək olub. Həmin pulların bir qismi Paşinyanın küçə aksiyalarının təşkilinə, həmçinin Rusiya və Qərb KİV-nin informasiya kampaniyasına xərclənib.
İndi bu mənbələrin sıradan çıxarılması Paşinyana xaricdən də dəstəyin kəsilməsi deməkdir. Növbədənkənar parlament seçkilərinin tarixinin elan edilməsinin gecikdirilməsinin başlıca səbəblərindən biri də məhz Paşinyanın başçılıq etdiyi siyasi qüvvələrin Ermənistan cəmiyyəti və Rusiyanın siyasi elitası tərəfindən bütövlükdə qəbul edilməməsidir. Belə vəziyyətdə Ermənistanın yeni hökuməti həm ölkə daxilindən, həm də xaricindən təzyiqlərlə üzləşir.
Elçin CƏFƏROV,
“Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Ermənistanda Vladimir Solovyovun verilişlərinin yayımı dayandırılıb
29 Mart
Bərpa olunan enerji mənbələrindən istifadə sahəsində layihələrin həyata keçirilməsi üzrə komissiyanı...
29 Mart
Azərbaycanda su təchizatı və kanalizasiya sisteminə qoşulmanın qayda və şərtləri yenilənəcək...
29 Mart
“İlham Əliyev. İnkişaf - məqsədimizdir” çoxcildliyinin 132-ci kitabı çapdan çıxıb
29 Mart
Bill Qeyts: Süni intellekt gələcəkdə asan tapşırıqları da yerinə yetirə bilməyəcək
29 Mart
İqlim dəyişikliyi saatların bir saniyə itirməsinə səbəb ola bilər
29 Mart
Azərbaycanın su qıtlığı probleminin həllində əldə edilən irəliləyişlər müzakirə edilib...
29 Mart
ABŞ husilərə aid daha dörd PUA-nın vurulduğunu bildirib
29 Mart
Türkiyədə FETÖ ilə əlaqədə şübhəli bilinən daha 70 nəfər saxlanılıb
29 Mart
Milli Məclis 21 məsələnin müzakirəsinə başlayıb
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!