08 Avqust 2018 02:08
134
İQTİSADİYYAT
A- A+

Qida Təhlükəsizliyi Agentliyinin nümayəndələri Çində keçirilən təlimdə iştirak edib

Qida Təhlükəsizliyi Agentliyinin (AQTA) əməkdaşları Çin Xalq Respublikasında “2018-ci il Avrasiya Ölkələri üçün Qida İdxalı-İxracı Zamanı İnspeksiya və Qida Təhlükəsizliyi” mövzusunda keçirilən təlimdə iştirak edib.

Agentliyin informasiya təminatı və innovativ həllər şöbəsindən AZƏRTAC-a bildirilib ki, təlim mühazirələr və qida sektorunu təmsil edən müxtəlif istehsal və əkin sahələrinə baxış keçirilməklə iki hissədən ibarət olub.

Birinci hissədə istehsal və emal zamanı qida təhlükəsizliyinə nəzarət, aflatoksin: sağlamlıq riskləri və təhlili, eyni zamanda, yerli təcrübədə qida təhlükəsizliyi standart sistemi, qida istehsalı və ticarəti, qida təhlükəsizliyi və keyfiyyəti, qida təhlükəsizliyi üçün risk monitorinq sistemi mövzuları müzakirə olunub.

Təlim çərçivəsində AQTA-nın əməkdaşları Quançjou və Nanninq şəhərlərində ədviyyat, bitki yağı, süd məhsulları, spirtli içkilər, dondurma istehsalı, meyvə yetişdirilməsi və sair ilə məşğul olan böyük şirkətlərdə olublar.

13 ölkədən 68 nümayəndənin iştirak etdiyi təlim Çinin Ticarət Nazirliyinin maliyyə dəstəyi, həmçinin Çin Qida və Fermentasiya Sənayesi Məhdud Korporasiya Milli Araşdırma İnstitutunun təşkilatçılığı ilə keçirilib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video