AHİK-in sədri həmkarlar ittifaqlarının sanatoriya-kurort müəssisələrindəki şəraitlə tanış olub
Avqustun 6-da Azərbaycan Həmkarlar İttifaqları Konfederasiyasının sədri, Milli Məclisin deputatı Səttar Möhbalıyev AHİK-in sanatoriya-kurort müəssisələrində olub. AHİK sədri sanatoriyalardakı şəraitlə tanış olub və orada müalicə olunan vətəndaşlarla görüşüb.
AZƏRTAC xəbər verir ki, Bilgəh Kardioloji Sanatoriyasındakı vəziyyətlə tanış olan Səttar Möhbalıyev burada müalicə olunan vətəndaşlara göstərilən xidmətin vəziyyəti ilə maraqlanıb. O qeyd edib ki, Prezident İlham Əliyevin tapşırığı ilə kurortların inkişafına dair dövlət proqramı hazırlanıb. Dövlət proqramı ilə əlaqədar AHİK sanatoriyaların tikintisi və təmiri işlərini aparır. AHİK sədri qeyd edib ki, bu gün sanatoriya və istirahət mərkəzlərinin 85 faizi konfederasiyanın balansındadır. Sanatoriyaların əksəriyyətinin 1988-ci ildən başlayaraq yararsız vəziyyətə düşdüyünü deyən S.Möhbalıyev vurğulayıb ki, onların bəzilərində qaçqın və məcburi köçkünlər məskunlaşmışdı. Artıq əksər sanatoriya və istirahət mərkəzlərində təmir-tikinti işi aparılıb, bəziləri isə tamamilə yenilənib. Sanatoriyalar bütün zəruri avadanlıqlarla, o cümlədən tibb məntəqələri, istirahət guşələri, idman qurğuları ilə tam təchiz edilib.
Vətəndaşlarla söhbətində 1990-cı illərin əvvəllərində Azərbaycan iqtisadiyyatının tənəzzülə uğradığını xatırladan deputat həmin dövrlərdə AHİK-də maliyyə vəziyyətinin yaxşı olmadığını bildirib. Səttar Möhbalıyev əlavə edib ki, ümummilli lider Heydər Əliyev yenidən hakimiyyətə gəldikdən sonra ölkənin iqtisadiyyatı dirçəldi. Bununla da AHİK-in də maliyyə imkanları yaxşılaşdı. S.Möhbalıyev deyib ki, konfederasiya maliyyə vəsaitindən səmərəli istifadə edir. Sahə həmkarlar ittifaqlarına tapşırılıb ki, ərazilərində olan sanatoriya və istirahət mərkəzlərində təmir-tikinti işlərini həyata keçirsinlər. Bundan başqa, əldə olunan vəsaitdən ehtiyat fondu yaradılıb. Bunun nəticəsində dəmir yolu, rabitə, təhsil işçilərinin və digər dövlət qurumlarının həmkarlar ittifaqları Nabranda müasir standartlara uyğun istirahət mərkəzləri tikib. Mədəniyyət işçiləri üçün isə istirahət mərkəzinin tikinti işi aparılır.
AHİK sədri həmçinin bildirib ki, konfederasiya tərəfindən “Kurort” Açıq Səhmdar Cəmiyyətinə maliyyə vəsaiti yönəldilir. Bu qurum müalicə sanatoriyalarının müasirləşdirilməsi işini aparır. Naftalan şəhərindəki sanatoriyada 200-220 nəfərlik yeni istirahət mərkəzi tikilir. Sahə həmkarlar ittifaqları 30-35 min nəfərədək həmkarının yollayışlarla sanatoriyalarda müalicə və istirahətlərini təmin edirlər.
Səttar Möhbalıyev məlumat verib ki, Dövlət Neft Şirkəti əməkdaşlarının müxtəlif sanatoriya və istirahət mərkəzlərinə göndərilməsi üçün AHİK-ə ildə 5 milyon manat vəsait ayırır. Bu vəsait hesabına sanatoriyalar yeni və müasir tibbi avadanlıqlarla təmin edilib. 5 min məktəblinin istirahəti AHİK tərəfindən təmin olunub. 15 min uşaq isə ailəsi ilə birlikdə istirahətə göndərilib.
Müalicə sanatoriyalarındakı və istirahət mərkəzlərindəki qiymətlərə gəlincə isə AHİK sədri bildirib ki, orta qiymət 600 manatdır. Qiymət artımının edilməməsinin səbəbini S.Möhbalıyev istirahət edənlərin sayında azalma riskinin ola biləcəyi ilə izah edib. O, həmçinin 20 mindən çox şəhid ailəsinə, Qarabağ müharibəsi əlilinə və aztəminatlı insanlara AHİK tərəfindən yardım göstərildiyini deyib.
Daha sonra Səttar Möhbalıyev Mərdəkan qəsəbəsindəki “Günəşli” Nevroloji, “Abşeron” Mədə-Bağırsaq müalicəsi, “Qaranquş” Uroloji, həmçinin Şıx qəsəbəsindəki Dayaq və Hərəkət Sistemlərinin müalicəsi sanatoriyalarında olub. AHİK sədri burada aparılan işlərlə tanış olub. O, sanatoriyaların ərazisində yeni tikilən korpuslara baxıb, yeni istifadəyə verilmiş tibbi avandanlıqlardan istifadə prosesi ilə maraqlanıb.
Konfederasiya sədri, həmçinin sanatoriyada müalicə olunan vətəndaşların ərzaq və qida təminatı ilə tanış olub.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Mahmud Abbas yeni hökumətin tərkibini təsdiqləyib
28 Mart
ABF rəsmisi: "Böyük İpək Yolu" turnirinin Bakıda keçirilməsi boksun ölkəmizdə inkişafının təzahürüdü...
28 Mart
Manə Mollayeva : Xallar əldə etmək üçün vuruşacağıq
28 Mart
Yekun qərar qəbul edilməyib - Emin Ağalarov
28 Mart
Əcnəbi tələbələr Quba Soyqırımı Memorial Kompleksini ziyarət ediblər
28 Mart
Gürcüstan iqlim dəyişikliyi ilə mübarizəyə 3,7 milyard lari xərcləyəcək
28 Mart
Biz unutmuruq, tarix də unutmasın...
28 Mart
Taksilərin texniki göstəriciləri, daxili və xarici tərtibatına dair tələblər təsdiqlənib ...
28 Mart
BMT-nin İnkişaf Proqramı ilə gələcək əməkdaşlığa dair fikir mübadiləsi aparılıb
28 Mart
Dövlət orqanlarında vakant inzibati vəzifələrin tutulması məqsədilə daxili müsahibə elan edilir ...
28 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!