06 Avqust 2018 02:08
380
Mədəniyyət
A- A+

Dmitri Yablonski: Qəbələ festivalı Heydər Əliyev Fondunun çox möhtəşəm layihəsidir

Qəbələ Beynəlxalq Musiqi Festivalı barədə fikirlərimi, təəssüratlarımı bir neçə cümlə ilə ifadə etmək çox çətindir. Təkcə onu qeyd edim ki, bu festival dünyada keçirilən festivallar içərisində öz yüksək təşkilatçılığı və səviyyəsi baxımından ön cərgələrdə yer alır. Ənənəvi olaraq hər il keçirilən bu festivalda dünyanın ən məşhur musiqi kollektivləri, kamera və simfonik orkestrlər, dünya şöhrətli ifaçılar, dirijorlar iştirak edirlər. Festivaldan festivala konsertlərin sayı da artır. Gün ərzində iki-üç konsert təşkil olunur. Bu festival Heydər Əliyev Fondunun ən möhtəşəm layihələrindən biridir, çox gözəl musiqi bayramıdır. Mən bu möhtəşəm musiqi layihəsini dəstəklədiyinə görə Fondun prezidenti, birinci xanım Mehriban Əliyevaya dərin təşəkkürümü bildirirəm.

Bu sözləri AZƏRTAC-ın bölgə müxbirinə müsahibəsində X Qəbələ Beynəlxalq Musiqi Festivalının bədii rəhbəri, İsrailin Yerusəlim Simfonik Orkestrinin dirijoru, dünya şöhrətli violonçel ifaçısı Dmitri Yablonski deyib.

Dirijorluq etdiyi orkestrin Qəbələ festivalında artıq ikinci dəfədir iştirak etdiyini vurğulayan musiqiçi Azərbaycan ilə İsrail arasında dostluq əlaqələrinin mədəniyyət və incəsənət sahəsində də yüksək səviyyədə olduğunu və buna çox sevindiyini bildirib.

Festivalın bədii rəhbəri deyib: “Adətən xaricdə keçirilən festivallarda biletlər çox baha olur. Lakin Qəbələ festivalında belə deyil, ona görə də bu festivalın dünyada bənzəri yoxdur. Musiqini sevən hər bir insan, Qəbələdə istirahət edən yerli və xarici qonaqlar asanlıqla gəlib konsertlərdə iştirak edə, dünyanın ən məşhur kollektivlərinin, musiqiçilərinin ifalarını dinləyə bilərlər. Qəbələ Beynəlxalq Musiqi Festivalının ən üstün cəhətlərindən biri də budur”.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video