06 Avqust 2018 11:08
594
Mədəniyyət
A- A+

Tbilisinin Big Band Orkestri Qəbələ festivalının tamaşaçılarına unudulmaz anlar yaşadıb

X Qəbələ Beynəlxalq Musiqi Festivalı artıq bir həftədir musiqisevərləri, şəhərin qonaqlarını maraqlı konsert proqramları ilə sevindirir.

AZƏRTAC-ın bölgə müxbiri xəbər verir ki, festival çərçivəsində avqustun 5-də axşam Qəbələ şəhərindəki Heydər Əliyev Konqres Mərkəzinin kamera zalında tamaşaçılara Gürcüstandan gəlmiş Tbilisi Big Band Orkestrinin konserti təqdim olunub.

Konsertin əvvəlində məlumat verilib ki, kollektiv Qəbələ festivalında ikinci dəfədir iştirak edir. Tbilisi meriyasının professional musiqiçilərdən ibarət Big Band Orkestri Gürcüstanın aparıcı kollektivlərindən biridir. 1997-ci ildə yaradılan bu kollektiv ölkənin yeganə konsert orkestridir. Orkestr estrada ifaçılığı, xüsusilə də gürcü caz ənənələrinə sadiq qalaraq, son 15 il ərzində bir çox uğurlara imza atıb. Hazırda orkestrin repertuarında müxtəlif janrları əhatə edən 350-dək əsər var. Buraya gürcü və xarici müəlliflərin vokal və instrumental kompozisiyaları daxildir. Orkestrin tərkibində 20 instrumental musiqiçi və 8 vokalçı çıxış edir. Orkestr 2006-cı ildə Monte Karloda keçirilən Beynəlxalq Caz Festivalında Qran-Pri mükafatına layiq görülüb. Orkestrlə birgə G.Şiller, B.Mintser, R.Ayers, İ.Butman, C.İzaak, D.Teffer kimi tanınmış musiqiçilər çıxış edib. Orkestrin təsisçisi Qayoz Kandelaki, dirijoru Givi Qaçeçiladze, direktoru Kaxa Markozaşvilidir.

Big Band Orkestrinin təqdim etdiyi konsert proqramı tamaşaçılar tərəfindən alqışlarla qarşılanıb.

Festival çərçivəsində avqustun 6-da növbəti kamera musiqisi axşamı və Yerusəlim Simfonik Orkestrinin konserti olacaq.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video