Alternative content

16:00 25 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Murad Adıgözəlzadə: Qəbələ festivalı Azərbaycanın musiqi həyatında əlamətdar hadisəyə çevrilib
Murad Adıgözəlzadə: Qəbələ festivalı Azərbaycanın musiqi həyatında əlamətdar hadisəyə çevrilib
ANA SƏHİFƏ / Mədəniyyət
04:08 03.08.2018

Qəbələdə ənənəvi olaraq keçirilən Beynəlxalq Musiqi Festivalı Azərbaycanın musiqi həyatında əlamətdar hadisəyə çevrilib. Bu festival musiqimizin dünyada tanıdılması və təbliği baxımından mühüm əhəmiyyətə malikdir.

Bu sözləri AZƏRTAC-ın bölgə müxbirinə müsahibəsində Heydər Əliyev Fondunun təşkilatçılığı ilə keçirilən X Qəbələ Beynəlxalq Musiqi Festivalının iştirakçısı, Azərbaycan Dövlət Akademik Filarmoniyasının direktoru, Xalq artisti, pianoçu Murad Adıgözəlzadə deyib.

Onuncu yubiley festivalının başlanmasını səbirsizliklə gözlədiyini vurğulayan musiqiçi builki festivalın proqramının çox zəngin olduğunu bildirib. “Festival günlərində tamaşaçılar dünyanın tanınmış musiqiçilərinin ifasında dünya klassiklərinin əsərlərini dinləmək imkanı əldə edirlər. Hər gün keçirilən konsertlər, bir-birindən gözəl ifalar, dahi bəstəkarların əsərləri tamaşaçılara unudulmaz anlar yaşadır. Festival günlərində Qəbələyə gələn xarici qonaqlar Azərbaycanın, onun bölgələrinin sürətli inkişafını öz gözləri ilə görür, xalqımızın adət-ənənələri, mədəniyyəti, musiqisi ilə yaxından tanış olurlar. Onların ölkəmiz haqqında təəssüratları daha da zənginləşir. Bu baxımdan, Qəbələ festivalı çox böyük əhəmiyyətə malikdir”, - deyə tanınmış pianoçu qeyd edib.