Alternative content

10:08 25 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Udmurtiya ilə Azərbaycan arasında xarici ticarət dövriyyəsi üç dəfə artıb
Udmurtiya ilə Azərbaycan arasında xarici ticarət dövriyyəsi üç dəfə artıb
ANA SƏHİFƏ / İQTİSADİYYAT
01:08 03.08.2018

2018-ci ilin yanvar-may aylarında Rusiya Federasiyasının Udmurtiya Respublikası ilə Azərbaycan Respublikası arasında xarici ticarət dövriyyəsi ötən ilin müvafiq dövrü ilə müqayisədə üç dəfə artaraq 2,27 milyon ABŞ dollarına bərabər olub.

AZƏRTAC Udmurtiya Respublikası başçısının və Udmurtiya hökumətinin rəsmi saytına istinadla xəbər verir ki, Udmurtiya hökuməti sədrinin birinci müavini Aleksandr Svinin bunu Azərbaycan Milli Elmlər Akademiyasının vitse-prezidenti, Milli Məclisin deputatı, Nizami adına Ədəbiyyat İnstitutunun direktoru, filologiya elmləri doktoru İsa Həbibbəylinin başçılıq etdiyi Azərbaycan nümayəndə heyəti ilə görüşdə bildirib.

Udmurtiya Baş nazirinin birinci müavini deyib:

-Ölkənizdə bizim respublikanın biznes missiyasının təşkilinə kömək etsəniz, Sizə minnətdar olarıq. Bu, bizim öz imkanlarımızı nümayiş etdirməyə, sizin sahibkarlarla tanış olmağa və əməkdaşlığın konkret yollarını müəyyənləşdirməyə imkan verərdi.