Alternative content

04:20 25 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Şəhriyar Məmmədyarova beynəlxalq turnirin mükafatı təqdim olunub
Şəhriyar Məmmədyarova beynəlxalq turnirin mükafatı təqdim olunub
ANA SƏHİFƏ / İDMAN
12:08 03.08.2018

İsveçrənin Bil şəhərində iyulun 21-dən start götürmüş beynəlxalq şahmat turnirinə yekun vurulub.

AZƏRTAC xəbər verir ki, Bil Konqres Mərkəzində baş tutan bağlanış mərasimində qaliblərə mükafatlar təqdim olunub. Fəxri kürsünün ən yüksək pilləsinə Azərbaycan şahmatçısı, beynəlxalq qrossmeyster Şəhriyar Məmmədyarov qalxıb.

Azərbaycanın İsveçrədə və Lixtenşteyndəki səfiri Xanım İbrahimova tədbirdə çıxış edərək ölkəmizdə zəngin şahmat ənənəsindən və şahmatçılarımızın uğurlarından danışıb. O, ölkəmizdə şahmatın qədim tarixə malik olduğunu, müstəqillikdən sonra Ermənistanın ölkəmizə qarşı hərbi təcavüzü və yaranmış sosial-iqtisadi problemlərə baxmayaraq, idmanın digər növləri kimi, şahmatın da inkişafına yüksək diqqət və qayğı göstərdiyini vurğulayıb.

X.İbrahimova hazırda Azərbaycanda şahmata xüsusi dövlət qayğısının göstərildiyini və ölkəmizin Beynəlxalq Şahmat Federasiyasına üzv olan 180-dək ölkə arasında idmanın bu növünün inkişafına dair xüsusi Dövlət Proqramı qəbul etmiş yeganə ölkə olduğunu diqqətə çatdırıb.

Səfir Şəhriyar Məmmədyarovun Azərbaycan şahmat məktəbinin yetişdirdiyi dünya səviyyəli zəka ustalarından olduğunu bildirib və onu parlaq qələbə münasibətilə təbrik edib.

Daha sonra qaliblərin mükafatlandırılması mərasimi keçirilib.

Turnirin qalibi Şəhriyar Məmmədyarova mükafatı səfir Xanım İbrahimova təqdim edib.

Qeyd edək ki, Azərbaycan təmsilçisi yarışın başa çatmasına bir tur qalmış turnirinin qalibi olub. O, yarışın doqquzuncu turunda 57-ci gedişdə ağ fiqurlarla norveçli dünya çempionu Maqnus Karlsen üzərində qələbə qazanıb.