İnsanların rahatlığına və təhlükəsizliyinə xidmət edən qərar
Tarif Şurası bu günlərdə keçirilən iclasında nəqliyyatda sərnişindaşıma xidmətləri üzrə yeni tariflər təsdiq edib. Mövzu ilə bağlı ictimai şəxslərin və ekspertlərin fikirlərini öyrəndik. Onlar bunun iqtisadi baxımdan əhəmiyyətli olduğunu qeyd etdilər və sərnişindaşımada keyfiyyətli xidmətin yüksəlməsində mühüm rol oynayacağını dedilər.
Milli Məclisin İqtisadi siyasət, sənaye və sahibkarlıq komitəsinin üzvü Vahid Əhmədovun sözlərinə görə, gediş haqqının artırılması cəmiyyətdə birmənalı qarşılanmır. Çünki istənilən qiymət artımı həmişə müəyyən müzakirələrə səbəb olur. Lakin metrolarda qiymət artımı başa düşüləndir: “”Bakı Metropoliteni” dotasiya ilə işləyən bir təşkilatdır. Həmişə dövlət büdcəsindən Metropolitenə müəyyən vəsait ayrılır. Son vaxtlarda yeni metro stansiyaları qurulur, avadanlıqlar təzələnir, vaqonlar alınıb gətirilir. Bunlar hamısı dövlət büdcəsinin hesabına başa gəlir. İndi dövlət bu sahəyə ayırdığı xərclərə qənaət edərək, vəsaiti digər iqtisadi layihələrə və insanların sosial müdafiəsinə yönəldəcək”.
Deputat hesab edir ki, Tarif Şurasının Azərbaycanda bir sıra ictimai nəqliyyatda sərnişindaşıma xidmətləri üzrə qəbul etdiyi yeni tariflər bu sahədə insanlara göstərilən xidmətin səviyyəsinin daha da yüksəldilməsinə müsbət təsirini göstərəcək.
Milli Məclisin İqtisadi siyasət, sənaye və sahibkarlıq komitəsinin üzvü Rüfət Quliyev Tarif Şurasının ictimai nəqliyyatda gediş haqqını artırmasını şərh edərkən bildirdi ki, bu, normal addım idi: “Burada belə bir məqamı nəzərə almaq lazımdır ki, dünyanın hər yerində, o cümlədən inkişaf etmiş ölkələrdə inflyasiya prosesləri gedir. Son on il ərzində Azərbaycanda bu sahədə xidmətlərin qiyməti artmayıb. Avtobuslarda təxminən 11 il, metroda isə 8-9 il gediş haqqı sabit qalıb. Dünyada elə bir ölkə yoxdur ki, orada əmtəə və xidmətlərin qiyməti belə bir uzun müddət ərzində qalxmasın”.
Deputat dedi ki, 2015-ci ildə milli valyutamız devalvasiyaya məruz qaldı. Bu da dünyada baş verən iqtisadi və siyasi amillərlə bağlıdır. Lakin ölkəmizdə devalvasiya olmasına baxmayaraq, əhalinin sosial - iqtisadi vəziyyətinin daha da yaxşılaşdırılması üçün dövlət tərəfindən iri və vacib layihələrin maliyyələşdirilməsi prosesi dayandırılmayıb. Bu gün ölkəmizdə yollar çəkilir, Bakıda yeni metro stansiyaları qurulur, vaqonlar, kondisionerli avtobuslar alınıb gətirilir. Bütün bunlar əhalinin istifadəsi və rahatlığı üçündür.
Azərbaycanda ictimai nəqliyyatda qiymətin 9 ilə yaxın idi ki, artırılmadığını deyən deputat qeyd etdi ki, əvvəllər köhnə avtobuslar olduğu üçün qiymətlər də xidmətlərə görə aşağı idi. Hazırda isə ictimai nəqliyyatda xidmətlər gündən-günə yüksəlməkdədir.
Deputat onu da əlavə etdi ki, bu nəqliyyat vasitələri dövlətin ayırdığı dotasiya ilə alınır. Bu səbəbdən Tarif Şurası dövlətin xərclərini azaltmaq üçün belə bir qərar verib. Azərbaycanda dövlət büdcəsi hesabına yeni metro stansiyaları tikilir, bu sahəyə investisiya yatırılır. Bütün bunları nəzərə alaraq Tarif Şurasının yeni qərarını da başa düşmək lazımdır.
İqtisadçı-ekspert Vüqar Bayramovun sözlərinə görə, əksər inkişaf etmiş ölkələrdə o cümlədən qonşu Türkiyədə ictimai nəqliyyatda differensial qiymətlər tətbiq edilir. Nəticədə, ictimai nəqliyyata məsul olan qurumlar bununla da çevik sərmayə imkanlarını genişləndirə bilirlər. Bu həm də vətəndaşların ictimai nəqliyyat vasitələrindən rahat və təhlükəsiz istifadəsinə xidmət edər.
Səbinə MƏMMƏDOVA,
“Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Mahmud Abbas yeni hökumətin tərkibini təsdiqləyib
28 Mart
ABF rəsmisi: "Böyük İpək Yolu" turnirinin Bakıda keçirilməsi boksun ölkəmizdə inkişafının təzahürüdü...
28 Mart
Manə Mollayeva : Xallar əldə etmək üçün vuruşacağıq
28 Mart
Yekun qərar qəbul edilməyib - Emin Ağalarov
28 Mart
Əcnəbi tələbələr Quba Soyqırımı Memorial Kompleksini ziyarət ediblər
28 Mart
Gürcüstan iqlim dəyişikliyi ilə mübarizəyə 3,7 milyard lari xərcləyəcək
28 Mart
Biz unutmuruq, tarix də unutmasın...
28 Mart
Taksilərin texniki göstəriciləri, daxili və xarici tərtibatına dair tələblər təsdiqlənib ...
28 Mart
BMT-nin İnkişaf Proqramı ilə gələcək əməkdaşlığa dair fikir mübadiləsi aparılıb
28 Mart
Dövlət orqanlarında vakant inzibati vəzifələrin tutulması məqsədilə daxili müsahibə elan edilir ...
28 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!