Alternative content

14:09 25 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Antalyada Azərbaycan şəhidləri abidəsi açılıb
Antalyada Azərbaycan şəhidləri abidəsi açılıb
ANA SƏHİFƏ / CƏMİYYƏT
10:08 01.08.2018

 

Antalyada, Kəpəz bələdiyyəsində Milli Məclisin deputatı Qənirə Paşayevanın təklifi əsasında Azərbaycan şəhidləri abidəsinin açılışı olub.

Kəpəz bələdiyyəsinin sədri Hakan Tütüncü tədbirdə çıxış edərək abidənin açılmasının bugünkü və gələcək nəsillər üçün önəmi barədə danışıb.

Qənirə Paşayeva çıxışında bu addımın bütün türk dünyası bölgələri üçün gözəl bir örnək olduğunu deyib. O, Azərbaycanla Türkiyənin bəzi şəhərlərinin və bələdiyyələrinin qardaş şəhərlər və bələdiyyələr olduğunu bildirərək, Kəpəzin də Azərbaycanın bölgələrindən biri ilə qardaşlaşmasının arzuedilən olduğunu deyib.

Hakan Tütüncü Azərbaycanla bütün istiqamətlərdə əməkdaşlığın inkişafına xüsusi önəm verdiklərini, qardaş bələdiyyələr məsələsi ilə də bağlı addımlar atılacağını bildirib.

Milli Məclisin deputatı qardaş Türkiyədə terrorla mübarizədə şəhid olmuş insanlara Allahdan rəhmət, yaxınlarına səbir diləyib, terroru və onun arxasında duranları lənətləyib. Azərbaycanın erməni terrorundan çox əziyyət çəkdiyini vurğulayan deputat terrorla mübarizədə ölkəmizin hər zaman qardaş Türkiyənin yanında olduğunu deyib.

Açılış mərasimində yüzlərlə yerli sakin iştirak edib.