Alternative content

06:08 25 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Ölümcül təhlükəli isti proqnozlaşdırılır
Ölümcül təhlükəli isti proqnozlaşdırılır
ANA SƏHİFƏ / DÜNYA
10:08 01.08.2018

 

Melburndakı (Avstraliya) Monaşa Universitetinin alimlərinin hesablamalarına görə, 2080-ci ilə qədər tropik və subtropik regionlarda istidən ölənlərin sayı təxminən 5 dəfə artacaq. AZƏRTAC EurekAlert! qurumunun lenta.ru saytında dərc edilmiş press-relizinə istinadla xəbər verir ki, buna səbəb antropogen iqlim dəyişməsi nəticəsində ekstremal hadisələrin çoxalmasıdır.

Tədqiqatçılar havaların çox isti keçməsi ilə əlaqədar 2031-2080-ci illərdə dünyanın 20 ölkəsində ölüm hallarının gözlənilən sayını qiymətləndirmək üçün model yaradıblar. Bu prosesi modelləşdirmək üçün qazıntı şəklində yanacaqdan istifadə zamanı atmosferə buraxılan istixana qazlarının həcmi, müxtəlif regionlarda əhalinin sıxlığı, habelə istinin mənfi nəticələrini azaltmağa yönəlmiş müxtəlif strategiyalar nəzərə alınıb.

Ən bədbin ssenariyə görə, hava şəraiti ilə bağlı fəlakətlər Avstraliyanın Brisben, Sidney və Melburn şəhərlərində daha tez-tez baş verəcək, bu bölgələrdə ölüm hallarının sayı 1971-2010-cu illər üzrə göstəricilərlə müqayisədə 471 faiz artacaq. Hindistan, Yunanıstan, Yaponiya və Kanadada da qurbanların sayı nəzərəçarpacaq dərəcədə artacaq. Yanğın və quraqlıq kimi əlavə təbii fəlakətlər isə bu vəziyyəti daha da kəskinləşdirəcək.

Bununla bərabər, alimlərin fikrincə, əgər Paris Sazişinə riayət edilərsə, proqnozlaşdırılan nəticələr xeyli zəifləyə bilər.