01 Avqust 2018 03:08
82
SİYASƏT
A- A+

Küveyt Elektron Media Birliyi AZƏRTAC ilə əməkdaşlıq əlaqələri qurmaq istəyir

Küveyt Elektron Media Birliyi Azərbaycan Dövlət İnformasiya Agentliyi (AZƏRTAC) ilə əməkdaşlıq əlaqələri qurmaq istəyir.

AZƏRTAC-ın İdarə Heyətinin sədri Aslan Aslanov ilə Küveyt Elektron Media Birliyinin İdarə Heyətinin sədri Feysəl Xəlifə əs-Savağ arasında avqustun 1-də keçirilən görüşdə bu barədə müzakirələr aparılıb.

Görüşdə qonaqlara Azərbaycanın dövlət müstəqilliyini bərpa etdikdən sonra keçdiyi inkişaf yolu barədə məlumat verilib. Qeyd olunub ki, müasir müstəqil Azərbaycan dövlətinin banisi və qurucusu ulu öndər Heydər Əliyevin müəyyənləşdirdiyi inkişaf strategiyası bu gün Prezident İlham Əliyev tərəfindən uğurla davam etdirilir. Bakı hazırda dünyanı narahat edən bir çox qlobal problemlərin müzakirə olunduğu məkana çevrilib. Burada keçirilən mötəbər beynəlxalq tədbirlərdə Nobel mükafatçıları, yüksək səviyyəli dövlət və hökumət rəsmiləri, tanınmış ictimai-siyasi xadimlər, diplomatlar fəal iştirak edirlər. Diqqətə çatdırılıb ki, hazırda AZƏRTAC Dünya Xəbər Agentlikləri Konqresinin və Asiya və Sakit Okean Ölkələri İnformasiya Agentlikləri Təşkilatının (OANA) sədridir.

AZƏRTAC-ın İdarə Heyətinin sədri dost ölkələrimiz arasındakı əlaqələrin yüksək səviyyədə olduğunu vurğulayıb.

Küveyt Elektron Media Birliyinin İdarə Heyətinin sədri Feysəl Xəlifə əs-Savağ Azərbaycanda sürətli inkişafın şahidi olduğunu söyləyib, xalqımızın qonaqpərvərliyini xüsusi qeyd edib. O, ölkələrimiz arasındakı münasibətlərin sürətli inkişafının məmnunluq doğurduğunu bildirib.

Bakıda Küveyt Elektron Media Birliyinin bürosunun açılmasında maraqlı olduqlarını deyən Feysəl Xəlifə əs-Savağ bunun Azərbaycanın son illərdə əldə etdiyi nailiyyətlərin küveytli oxuculara, eləcə də Küveytlə bağlı məlumatların Azərbaycanda daha geniş təqdim edilməsi baxımından çox faydalı ola biləcəyini deyib. Eyni zamanda, qonaq AZƏRTAC ilə əməkdaşlıq əlaqələri qurmaq istədiklərini vurğulayıb. Əlavə edib ki, bu əməkdaşlıq hər iki ölkənin sosial-iqtisadi, mədəni həyatının dərindən öyrənilməsi məqsədilə media nümayəndələrinin qarşılıqlı səfərlərinin təşkilini, müştərək layihələri əhatə edə bilər.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video