29 Iyul 2018 10:07
395
Mədəniyyət
A- A+

“Jara-2018”: dünya şöhrətli ifaçılarla ünsiyyət tamaşaçılara bayram sevinci yaşadır

“Jara-2018” Beynəlxalq Musiqi Festivalında təqdim edilən hər bir konsert proqramı, hər bir ifa izləyicilərə unudulmaz anlar bəxş edir. Dünya şöhrətli ifaçıların, festivalın fəxri qonaqlarının qırmızı xalıdan keçərək onları sevən insanlarla ünsiyyətdə olmaları isə tamaşaçılara əsl bayram sevinci yaşadır.

AZƏRTAC xəbər verir ki, iyulun 29-da “Jara-2018”in iştirakçılarının qırmızı xalı üzərində keçidi olub.

Qırmızı xalıdan Vaxtanq Kikabidze, Anastasiya Spiridonova, Aleksandr Marşal, Qriqori Leps, Danil Buranov, Yulya Baranovskaya, Bella Potyomkina, Aygün Kazımova, Emil Qədirov, Valeri Meladze, Albina Canabayeva, Timur Rodrigez, Aleks Malinovski, Sergey Kojevnikov ailəsi ilə, Vera Brejneva, "Jara v Baku" filminin aktyorları, Anjelika Aqurbaş, Diana Arbenina və başqaları keçiblər.

MBAND qrupundan Anatolu Tsoy doğum gününü dünən Bakıda qeyd etməsindən məmnun olduğunu deyib.

MuzTV-nin baş direktoru Arman Davletyarov dünən Heydər Əliyev Mərkəzinin həyətində konsert proqramının möhtəşəm keçdiyini vurğulayıb.

Diana Arbenina bu cür möhtəşəm festivalı keçirməyin böyük bacarıq tələb etdiyini, bu festivala hər il həvəslə qatıldığını söyləyib.

Xalı üzərindən övladı ilə keçən Azərbaycanın Xalq Artisti Emin Ağalarov bugünkü tədbirdə hər kəsin "Jara v Baku" filminin bir parçası olacağını diqqətə çatdırıb. O, hər kəsə gözəl əhval-ruhiyyə arzulayıb.

Qırmızı xalı üzərindən keçən digər tanınmış müğənnilər festival günlərinin təəssüratlarını bölüşüb, Bakının gözəlliyindən, Azərbaycanın milli mətbəxindən söhbət açıb, xalqımızın qonaqpərvərliyini vurğulayıblar. Azərbaycanın üç ildir ev sahibliyi etdiyi “Jara” Beynəlxalq Musiqi Festivalına böyük həvəslə hazırlaşdıqlarını söyləyən ifaçılar bu tədbiri musiqi aləmində mühüm hadisə kimi dəyərləndiriblər.

Qeyd edək ki, qırmızı xalının aparıcıları Yana Koşkina və Konstantin Tarasyuk olub.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video