29 Iyul 2018 02:07
340
Mədəniyyət
A- A+

“Jara-2018”: hərarət artır

Bakıda, “Sea Breeze Resort” istirahət mərkəzində üç gündür davam edən “Jara-2018” Beynəlxalq Musiqi Festivalının konsert proqramları həm iştirakçılara, həm də tamaşaçılara xoş anlar yaşatmaqdadır. AZƏRTAC xəbər verir ki, iyulun 28-də festival iştirakçılarının qırmızı xalı üzərində keçidi olub.

MuzTv-nin baş direktoru Arman Davletyarov da övladları ilə birgə xalıdan keçib.  Xalıdan keçən dünya şöhrətli musiqiçi Brandon Hovard “Jara”nın əvəzinin olmadığını deyib, festivala çoxlu sayda parlaq ulduzun qatıldığını vurğulayıb.

Yuliya Baranovskaya Bakıda keçirilən bu möhtəşəm festivalda iştirakından məmnunluğunu bildirib.

Marina Novikova deyib ki, “Jara” çox gözəl festivaldır və burada iştirak etmək onun üçün nailiyyətdir.

Sergey Kojevnikov “Leninqrad” qrupunun Bakıda ilk dəfə çıxış edəcəyini və bunun onlar üçün mühüm hadisə olacağını qeyd edib.

Azərbaycanın xalq artisti Emin Ağalarov “Jara-2018”in üçüncü gecəsinin də yaddaqalan olacağını vurğulayıb.     

Qırmızı xalıdan, həmçinin Romadi, Aleks Malinovski, Danil Buranov, Nikolay Rastorquyev, Elvira T., “Cosmos girls” qrupu, ST, Manana, Səmra, İqor Qulyayev, Jasmin, Anjelika Aqurbaş, Qriqori Lepsin Prodüser Mərkəzindən Şarif, festivalın təşkilatçılarından biri olan Sergey Kojevnikov və başqaları keçiblər.

Xalıdan keçən tanınmış müğənnilər “Jara-2018”lə bağlı təəssüratlarının zəngin olduğunu bildirib, Bakının günəşli havasının, Xəzər dənizinin və festivalda ifaların əsl bayram əhvali-ruhiyyəsi yaratdığını qeyd edib, azərbaycanlıların qonaqpərvərliyini vurğulayıblar. Onlar, həmçinin festivala böyük həvəslə hazırlaşmalarından, yaradıcılıqlarında olan yeniliklərdən söz açıblar. 

Qırmızı xalının aparıcıları Yana Koşkina və Konstantin Tarasyuk olub.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video