Ücretsiz php script indir film izle hd film izle shell indir md5 cracker dizi izle hacklink satışı PDO Kullanımı shell indir Warez

Alternative content

20:36 14 Noyabr 2018
ONLINE XƏBƏR LENTİ
FOTOXRONİKA
Bakı bu gün - FOTO REPORTAJ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV “Bölgələrdən bölgələrə” yaradıcılıq festivalı bu dəfə Oğuz elinin qonağı olub
“Bölgələrdən bölgələrə” yaradıcılıq festivalı bu dəfə Oğuz elinin qonağı olub
ANA SƏHİFƏ / Mədəniyyət
01:07 29.07.2018

Mədəniyyət Nazirliyinin təşəbbüsü ilə “100 illik tariximiz” şüarı altında keçirilən “Bölgələrdən bölgələrə” yaradıcılıq festivalı uğurla davam edir.

 

Azərbaycan Xalq Cümhuriyyətinin 100 illiyinə həsr olunmuş layihənin əsas məqsədi zəngin dövlətçilik ənənələrinə malik olan xalqımızın mədəni irsinin təbliği, regionların mədəni potensialının nümayiş etdirilməsi, bölgələrarası mübadilənin gücləndirilməsidir.

Layihənin yay mövsümündə keçirilməsi yerli sakinlərə, eləcə də bölgələrimizə gələn xarici qonaqlara regionların rəngarəng mədəni həyatı ilə bilavasitə tanış olmaq fürsəti verir.

AZƏRTAC xəbər verir ki, iyunun 25-də Masallı rayonunda startı verilən yaradıcılıq festivalının növbəti tədbiri iyulun 27-də axşam saatlarında Oğuz şəhərində təşkil edilib. Gözəlliyi ilə seçilən şəhər mədəniyyət və istirahət parkında keçirilən tədbirdə rayonun kənd və qəsəbələrindən gəlmiş sakinlər, mədəniyyət işçiləri, ictimaiyyət nümayəndələri, həmçinin respublikamızın digər bölgələrindən olan qonaqlar əsl mədəniyyət bayramının şahidi olublar.

Parkın ərazisində Mədəniyyət Nazirliyinin Sumqayıt, Gəncə, Xaçmaz, İsmayıllı, Şəki, Kürdəmir, Ağstafa, Şəmkir, Bərdə, Ağcabədi, Ağdaş, Sabirabad, Lənkəran, Masallı və Biləsuvar regional mədəniyyət idarələrinin festival çadırları qurulub, şəhər və rayonların mədəni irsini əks etdirən sənətkarlıq nümunələri, rəsmlər, suvenirlər və digər əl işlərinin sərgisi keçirilib. Azərbaycanın bölgələrinin mədəni zənginliyi, özünəməxsusluğu, qədim tarixi, ənənələri, incəsənət nümunələri festivala gələnlər tərəfindən böyük maraqla qarşılanıb.

Festivalın açılış mərasimində iştirak edən rayon rəsmiləri bölgələrin mədəni irsinin təbliği baxımından belə tədbirlərin əhəmiyyətini yüksək qiymətləndiriblər.

Regional mədəniyyət idarələrinin təqdim etdikləri konsert proqramı da rəngarəngliyi ilə yadda qalıb. Folklor qruplarının, incəsənət və bədii özfəaliyyət kollektivlərinin ifasında təqdim edilən musiqi nömrələri, rəqslər hamıda xoş ovqat yaradıb.

Festival iştirakçıları tədbirlə bağlı təəssüratlarını AZƏRTAC-ın bölgə müxbiri ilə bölüşüblər. İsmayıllı Regional Mədəniyyət İdarəsinin Şamaxı rayonu üzrə nümayəndəsi Rəfail Tağızadə festivalın əhəmiyyətini yüksək qiymətləndirərək deyib: “Masallıdan başladığımız festival bir aydan çoxdur ki, davam edir. Çox möhtəşəm bir tədbirdir. Festivalın ən böyük əhəmiyyəti odur ki, bu tədbir vasitəsilə biz bir daha Xalq Cümhuriyyətimizin tarixini, xalqımızın malik olduğu zəngin mədəni irsi, adət-ənənələrimizi, folklorumuzu, incəsənətimizi təqdim və təbliğ edirik. Regional idarənin təşkil etdiyi bugünkü sərgidə Lahıc misgərlik sənət nümunələri, xalçaçılıq, papaqçılıq və digər sənət növlərini yaşadan el sənətkarlarımızın əl işləri nümayiş olunur. Şirvan folklor kollektivinin, aşıqlarımızın çıxışları da festival iştirakçılarının ürəyincə oldu”.

Lənkəran Dövlət Rəsm Qalereyasının direktoru Məmmədsadıq Axundov festival barədə təəssüratlarını belə ifadə edib: “Bu festival uzun müddət yaddaşlardan silinməyəcək. Bölgələrimizin təqdim etdikləri sərgilərə baxdıqca insanlarda sənətə olan məhəbbət artır. Onlar böyük həvəslə bu sənət nümunələrinə tamaşa edirlər. Bu sərgilərdə xalq tətbiqi sənət nümunələri ilə yanaşı, bölgə sənətkarlarımızın rəngkarlıq, qrafika, heykəltəraşlıq, ağac üzərində oyma işləri də nümayiş olunur. Təqdim etdiyimiz sərgidə cənub bölgəsinə məxsus olan sənət nümunələri ilə yanaşı, Mahir Həsənovun kibrit çöplərindən hazırladığı məşhur “Eyfel” qülləsinin maketi də tamaşaçılar tərəfindən böyük maraqla qarşılanıb”.

Bərdə Regional Mədəniyyət İdarəsinin məsləhətçisi Validə Nabatova da festivalın əhəmiyyətini yüksək qiymətləndirib: “Yaradıcılıq festivalının demək olar ki, bütün tədbirlərində iştirak etmişəm. Bu festival insanları bir-birinə daha da yaxınlaşdırır. Festival bölgələr arasında mədəni əlaqələrin genişləndirilməsi, sənət mübadiləsi, həmçinin bədii özfəaliyyət kollektivlərinin inkişaf etdirilməsi baxımından çox böyük əhəmiyyətə malikdir”.

Şəkinin tanınmış təkəlduz ustası Vəfa Mustafayeva da festivala əliboş gəlməyib. Onun əl işləri, xüsusilə də təkəlduz sənətinə gətirdiyi yeni üslub - kukla sənəti ilə bədii tikmənin sintezi tamaşaçıların böyük marağına səbəb olub. Sənətkar deyib: “Adətən sənətsevərlər incəsənət əsərlərini seyr etmək üçün sərgi salonlarına, muzeylərə gedirlər. Onların çoxunun bəzən buna imkanları olmur. “Bölgələrdən bölgələrə” yaradıcılıq festivalının ən böyük özəlliyi odur ki, bu dəfə biz sənətkarlar öz əl işlərimizlə sənətsevərlərin görüşünə gedirik. Bugünkü sərgidə insanlar təkəlduz işləri ilə, xüsusilə kukladan hazırladığım əsərlərlə çox maraqlanırlar. Hətta məndən soruşurlar ki, nəyə görə kuklaların sırf şəkililərə məxsus cizgiləri, mimikaları var. Deyirəm ki, əlbəttə, elə də olmalıdır. Axı mən şəkiliyəm”.


NƏŞRLƏRİMİZ

Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

HAVA PROQNOZU


VALYUTA


ARXİV


TƏQVİM