Azərbaycanın idman jurnalistləri Kiyevdə bir sıra görüşlər keçirib
Azərbaycan Xalq Cümhuriyyətinin 100, ümummilli lider Heydər Əliyevin anadan olmasının 95-ci ildönümü ilə əlaqədar bir qrup idman jurnalistinin Ukraynanın paytaxtı Kiyevə səfəri başlayıb.
AZƏRTAC xəbər verir ki, əvvəlcə jurnalistlər Kiyevin ən gözəl parklarından biri olan ümummilli lider Heydər Əliyevin adını daşıyan parkda Ulu Öndərin abidəsini ziyarət edib, önünə tər çiçəklər düzüblər.
Sonra Azərbaycanın Ukraynadakı səfirliyində jurnalistlərlə görüş keçirilib.
Səfirliyin müşaviri Vüsal Süleymanov jurnalistlərlə görüşdən məmnunluq ifadə edib və Ukraynanın bütün bölgələrində Azərbaycan Xalq Cümhuriyyətinin 100 illiyi və ümummilli lider Heydər Əliyevin 95 illiyi ilə əlaqədar silsilə tədbirlərin keçirildiyini bildirib. V.Süleymanov bu münasibətlə Azərbaycan və Ukrayna jurnalistləri arasında futbol oyununun olacağını və sonda dostluğun qalib gələcəyinə inamını ifadə edib.
Azərbaycan Prezidenti İlham Əliyevin rəhbərliyi ilə həyata keçirilən uğurlu xarici siyasətdən danışan səfirliyin müşaviri qeyd edib ki, bu siyasət sayəsində ölkəmizin beynəlxalq miqyasda mövqeləri daha da möhkəmlənib, Azərbaycan dünyada böyük nüfuza malik dövlətə çevrilib.
Jurnalistlər adından çıxış edən Sənan Şəfizadə bildirib ki, bu, jurnalistlərin ilk səfər deyil, əvvəllər Moldova, Belarusa da bu cür səfərlər təşkil edilib. O, Ukraynada Azərbaycan Xalq Cümhuriyyətinin 100 və ulu öndər Heydər Əliyevin 95 illik yubileylərinin xüsusi təntənə ilə qeyd edildiyini vurğulayıb.
Tədbirdə iştirak edən əfsanəvi futbolçu İvan Yaremçuk SSRİ dövründə əlaqələrin sıx olduğunu deyib və "Neftçi"nin oyunlarını xatırladıb. O, veteranlardan ibarət komandanın Bakıya səfər etdiyini və digər şəhərlərdə görüşlər keçirdiklərini söyləyib.
Daha sonra jurnalistlər Ukrayna Azərbaycanlıları Konqresinin (UAK) Kiyev şəhər təşkilatının sədri, veteran güləşçi Oleq Krapivinin rəhbərlik etdiyi “Bakineç” güləş məktəbində olublar.
Görüşdə güləş məktəbində daha çox azərbaycanlıların məşq etdiyini deyən O.Krapivin burada uşaqların məşqi üçün hər cür şəraitin yaradıldığını vurğulayıb. O Prezident İlham Əliyevin idmana qayğısı sayəsində Azərbaycanın güləş məktəbinin gücləndiyini deyib və bunun nəticəsi kimi beynəlxalq və olimpiya yarışlarında idmançılarımızın qazandıqları uğurları xatırladıb.
Qeyd edək ki, jurnalistlərin Ukraynaya səfəri Gənclər və İdman Nazirliyinin təşkilatçılığı ilə baş tutub.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Azərbaycan və Qırğızıstan prezidentləri Füzuli şəhərinin dağıdılmış yerlərinə baxıb, şəhərin Baş pla...
25 Aprel
Nazir: Azərbaycanla enerji sahəsində əməkdaşlıq Macarıstanın enerji təhlükəsizliyini artırır ...
25 Aprel
Nazir: Azərbaycanla Macarıstan arasında ticarət dövriyyəsi 40 faiz artıb
25 Aprel
Əmək və əhalinin sosial müdafiəsi naziri Macarıstanın xarici işlər və beynəlxalq ticarət naziri ilə ...
25 Aprel
Məhkəmə-Hüquq Şurasının sədri: Yerli məhkəmələr arbitraj institutunun uğurlu olması üçün lazımi dəst...
25 Aprel
Rektor: COP29-un bu il Azərbaycanda keçirilməsi aparılmış məqsədyönlü dövlət siyasətinin bariz nümun...
25 Aprel
İnam Kərimov: Azərbaycanda məhkəmə-hüquq islahatları hər zaman dövlətin diqqət mərkəzində olub ...
25 Aprel
Vətəndaşlara Şuşa, Suqovuşan və Laçına fərdi avtomobilləri ilə səfər etmələrinə icazə veriləcək ...
25 Aprel
Vəkillər Kollegiyasının sədri: Bu gün ölkəmizdə vəkillərin sayı 2454 nəfərə çatıb ...
25 Aprel
Mətbuat xidmətlərinin rəhbərləri üçün “Böhran kommunikasiyası” mövzusunda təlim təşkil olunub ...
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!