“Jara-2018”in ikinci gününün konserti də tamaşaçılar üçün musiqi bayramına çevrildi
İyulun 27-də “Jara-2018” Beynəlxalq Musiqi Festivalının ikinci gününün konserti də tamaşaçılar üçün əsl musiqi bayramına çevrildi.
AZƏRTAC xəbər verir ki, “Jara”nın ikinci günündə Rusiyanın Xalq Artisti Valeriyanın, Rusiyanın Əməkdar Artisti Leonid Aqutinin, müğənni və bəstəkar Vladimir Presnyakovun yaradıcılıq gecələri keçirildi.
“Jara”nın ikinci günündə də bir çox tanınmış müğənnilər tamaşaçıların qarşısına çıxdılar. Festivalın iştirakçılarının sayı ildən-ilə artmaqdadır. Həmçinin festivalı dörd gün ərzində “Sea Breeze Resort”da canlı izləyənlərin sayı isə minlərlədir. “Jara-2018”in davam edəcəyi növbəti günlərdə də tamaşaçıları maraqlı konsert proqramı gözləyir.
Bu il festivalda iştirak edən azərbaycanlı ifaçıların da sayı artıb. Belə ki, Sevda Ələkbərzadənin, Samir Bağırovun çıxışları tamaşaçılara xoş anlar yaşatdı.
Səhnəyə çıxan Filip Kirkorov həmişəki kimi, tamaşaçı auditoriyası ilə sıx ünsiyyətdə olması ilə fərqləndi. O, qonaqpərvərliyə görə Azərbaycan xalqına təşəkkür etdi, gələn il bir daha bu festivala həvəslə gələcəyini söylədi. Ənənəvi olaraq bu dəfə də yeni mahnı təqdim etdi. İfaçının “Ne veryu ya” mahnısı alqışlarla qarşılandı.
Festivalın ikinci günü həm ayrı-ayrı ifalar, həm də duetlərlə yadda qaldı. Dünya şöhrətli estrada ulduzları yubilyarların repertuarlarından mahnılar səsləndirdilər.
Guzel Xasanova, Anjelika Varum, Nikolay Baskov, Jasmin, Leonid Aqutin və Lyubov Uspenskayanın, Valeriya və Kristina Orbakaytenin duetləri, Ani Lorakın, Qlükozanın çıxışları, Valeriya və Nikolay Baskovun, Valeriya və Sofiyanın, Aleksey Çumakov və Yuliya Kovalçukun, Stas Pyexa və İrina Dubtsovanın, EMIN və Keti Topuriyanın duetləri, The Jigits və A`Studio qruplarının eyni səhnəni bölüşməsi, Yuliana Karaulovanın, Natalinin, Slavanın, Vladimir Presnyakovun ifaları və digər çıxışlar alqışlarla qarşılandı.
Bir-birindən maraqlı musiqi nömrələri ilə çıxış edən müğənniləri alqışlayan Heydər Əliyev Fondunun vitse-prezidenti Leyla Əliyeva dedi: “Xahiş edirəm, indi Aya baxın. Bu gün ən uzun Ay tutulması günüdür. İndi Mars Ayın üzünü örtür. Belə hadisə 25 milyon ildə bir dəfə baş verir. Əlbəttə, bu, təsadüfi deyil. Bakıya xoş gəlmisiniz. Sağ olun”.
Rusiyanın Azərbaycanlı Gənclər Birliyinin (AMOR) idarə heyətinin üzvü Emin Hacıyev deyib ki, Heydər Əliyev Fondunun vitse-prezidenti, AMOR-un sədri Leyla Əliyevanın dəvəti ilə Azərbaycanda səfərdə olan Rusiya Federasiyasının bir qrup dövlət qulluqçularından, qeyri-hökumət gənclər təşkilatlarının təmsilçilərindən və ali məktəblərin tələbələrindən ibarət nümayəndə heyətinin üzvləri də “Jara-2018” festivalının ikinci günündə konsert proqramını izləyənlər arasında olublar. Konsert proqramı rusiyalı qonaqlarda xoş təəssürat oyadıb. Onlar fasilə zamanı Leyla Əliyeva ilə görüşərək ona xatirə hədiyyəsi təqdim ediblər.
Qeyd edək ki, bu maraqlı musiqi bayramı üçün Xəzərin sahilində məxsusi olaraq möhtəşəmliyi ilə diqqəti çəkən və müxtəlif videoinstalyasiyaları nümayiş etdirməyə imkan verən səhnə qurulub.
Konsert proqramında musiqi ilə yanaşı, xoreoqrafiya səhnəcikləri, fərqli dekorasiyalar, işıq və lazer şousunun təqdimatı tamaşaçıların zövqünü oxşadı. Bir sözlə, təşkilatçıların ən xırda detalları belə nəzərə almaları, müasir səhnə tərtibatı, məşhur müğənnilərin bir-birindən gözəl mahnıları gözlənildiyi kimi, “Jara”nı unudulmaz anlar, xoş xatirələr və əsl bayram tədbirinə çevirdi.
Aparıcıları Yana Çurikova və Nikolay Baskov olan festivalın ikinci günü də atəşfəşanlıqla başa çatdı.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Olimpiya Təsnifat turnirinə 33 ölkə güləşçiləri qatılacaq
29 Mart
Azərbaycan Premyer Liqası: "Qəbələ"-"Neftçi"- 0:1
29 Mart
Kənd təsərrüfatı nazirinin müavini Masallıda vətəndaşları qəbul edib, fermerlərlə görüşüb...
29 Mart
Prezidentin Mətbuat Xidmətinin məlumatı
29 Mart
İcbari Tibbi Sığorta üzrə Dövlət Agentliyinin İdarə Heyətinin sədri Kürdəmirdə vətəndaşları qəbul ed...
29 Mart
Azərbaycan-Çin əlaqələri - tarixi İpək yolundan başlanan dostluq
29 Mart
BMT-nin İnkişaf Proqramı çərçivəsində COP29-la bağlı potensial tərəfdaşlıq müzakirə olunub...
29 Mart
Rusiya XİN: Ermənistan quru yerdə qala bilər
29 Mart
Ceyhun Bayramov: Sülh prosesinin irəlilədilməsi istiqamətində yeni çağırışlar yaradan bir sıra addım...
29 Mart
Ermənistan Teleradio Şəbəkəsinin direktoru istefa verib
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!