Alternative content

09:43 26 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Qazax taxılçıları bol məhsul yetişdirmişlər
Qazax taxılçıları bol məhsul yetişdirmişlər
ANA SƏHİFƏ / İQTİSADİYYAT
12:07 28.07.2018

 

Hər hektardan orta məhsuldarlıq 38 sentnerdir

 

Etibarlı ərzaq təminatı hər bir ölkənin iqtisadi sabitliyinin və sosial dayanıqlığının başlıca şərtidir. Bu baxımdan ölkəmizdə həyata keçirilən məqsədyönlü tədbirlər sayəsində taxılçılıq da sürətlə inkişaf etməyə başlamışdır. Bu sahənin intensiv inkişafı bir çox sahələrin, o cümlədən heyvandarlığın inkişafına da müsbət təsir göstərmişdir. Bunu yaxşı bilən fermerlər dövlətin göstərdiyi hər cür qayğıdan bəhrələnərək son illər əkin sahələrini xeyli genişləndirmişlər.

Hər il  taxılçılıq sahəsində yüksək göstəricilərə nail olan Qazax rayonunun fermerləri bu il də zəmilərdə bol məhsul yetişdirmişlər.

Keçən il rayonda 8 min 289,2 hektarda buğda, 2750,6 hektarda arpa əkilmişdir. Arpa sahələrinin hər hektarından orta hesabla 24,1 sentner, buğda sahələrinin hər hektarından isə 36 sentner məhsul götürülmüşdür. Qazanılan bu uğur fermerləri ruhlandırmış, əkin sahəsi genişləndirilərək 12 min 629 hektara çatdırılmışdır. Səpin aparılmış sahələrin 3527 hektarı arpa, 9 min 102 hektarı buğdadır. Hazırda buğda biçini sürətlə davam etdirilir və bu sahədə heç bir problem yaşanmır. Artıq arpa biçini uğurla başa çatdırılmışdır.

Onu da qeyd edək ki, rayonda taxıl biçininə hazırlıqla bağlı tədbirlər planı hazırlanmışdır. Biçindən qabaq rayon taxılçılarının, eləcə də bu sahəyə xidmət göstərən xidmət təşkilatları rəhbərlərinin iştirakı ilə müşavirə keçirilmiş, biçin zamanı qarşıya çıxan problemlərin operativ surətdə həll edilməsi üçün xüsusi qərargah yaradılmışdır. Hazırda zəmilərdə 26 kombayn işləyir. Hər gün biçilmiş sahələrin hesabatları aparılır. Hələlik hər hektardan orta məhsuldarlıq 38 sentnerdir. Lakin bu göstəricinin bir qədər də artacağı gözlənilir.

Ümumiyyətlə, rayonun 19 kəndinin ərazisində taxıl əkilmişdir. Onlardan birində - Daş Salahlı kəndində fermer Asif Yusifovun zəmisinə baş çəkdik. Fermer dedi ki, keçən il 80 hektarda taxıl əkmişdir. Əldə olunan yüksək göstərici əkin sahəsini genişləndirərək 100 hektara çatdırmağa həvəs yaratdı. Bu il də biçilən buğda yüksəkkeyfiyyətlidir. Nəzərdə tutulub ki, əldə olunan taxılın 250 tonunu yüksək kondisiyalı toxum kimi respublikamızın müxtəlif rayonlarına sataq. Bunun üçün təsərrüfatda hər cür şərait var.

           

Sabir ƏLİYEV,

“Azərbaycan”