Alternative content

03:45 26 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Alessandro Safina: “Jara” mükəmməl festivaldır
Alessandro Safina: “Jara” mükəmməl festivaldır
ANA SƏHİFƏ / Mədəniyyət
11:07 27.07.2018

“Jara” festivalına dəvət aldığım üçün çox məmnunam. Konsert yüksək səviyyədə təşkil olunub. “Jara” mükəmməl festivaldır.

Bu sözləri AZƏRTAC-a məxsusi müsahibəsində “Jara” festivalının iştirakçısı, məşhur tenor Alessandro Safina deyib.

“Jara” festivalına artıq ikinci dəfə qatıldığını söyləyən A.Safina bu möhtəşəm musiqi bayramında Xalq Artisti Emin Ağalarovun inanılmaz təşkilatçılıq nümayiş etdirdiyini vurğulayıb: “Ümid edirəm ki, mən bu festivala bundan sonra da qatılacağam. Əsrarəngiz Müslüm Maqomayevdən “Sinyaya vecnost” mahnısını ifa etdim. Bu mahnı üzərində daha əvvəlcədən işləmişdim. Mən Rusiyanı İtaliya musiqisi ilə tanış etdiyi üçün Müslüm Maqomayevə minnətdaram”.

Yenidən Bakıdan olan tamaşaçıları ilə görüşmək istədiyini bildirən müğənni Bakı şəhərinin qədimliklə müasirliyin qovşağı olduğunu deyib: “Tarixən şəhərin ticarət yolu üzərində yerləşməsi hələ qədimdən Bakını turistlər, qonaqlar üçün cəlbedici edib. İçərişəhər nadir tarixi məkandır. Bu ornamentlər şəhəri daha da gözəlləşdirir, özünəməxsusluğunu artırır. Bakı dünyada unikal məkanlardan biridir”.