Alternative content

19:45 19 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV İlin birinci yarısında 14,1 mindən çox təsərrüfat subyekti qeydiyyatdan keçib
İlin birinci yarısında 14,1 mindən çox təsərrüfat subyekti qeydiyyatdan keçib
ANA SƏHİFƏ / İQTİSADİYYAT
12:07 25.07.2018

 

Cari ilin yanvar-iyun ayları ərzində qeydiyyatdan keçmiş təsərrüfat subyektlərinin sayı 14 min 161 olub. 18 min 92 təsərrüfat subyekti isə fəaliyyətini bərpa edib.

Vergilər Nazirliyinin media və kommunikasiya mərkəzindən verilən məlumata görə, ƏDV məqsədləri üçün qeydiyyata alınmış vergiödəyicilərinin sayı ötən ilin eyni dövrü ilə müqayisədə 5,5 faiz artıb. Yarım ildə vergiödəyicilərinin qeydiyyat prosedurlarının təkmilləşdirilməsi və vergi inzibatçılığı proseslərinin sadələşdirilməsi üçün yerli investisiyalı MMC-lərin elektron qeydiyyatında istifadə olunan proqram təminatında da bir sıra dəyişikliklər aparılıb.

Bundan əlavə, istifadəçilərə yerli investisiyalı MMC-lərin elektron dövlət qeydiyyatı proseduru çərçivəsində ƏDV məqsədləri üçün qeydiyyat və bank hesabı açmaq üçün şəhadətnamə-dublikat alınması barədə ərizələrin təqdim edilməsi və iş tipli sertifikatın əldə edilməsi imkanları yaradılıb. Yerli investisiyalı kommersiya hüquqi şəxslərin elektron qeydiyyatı ilə bağlı 3 dildə məlumat hazırlanaraq Vergilər Nazirliyinin internet səhifəsində yerləşdirilib.

İlin birinci yarısında vergiödəyicilərinin qeydiyyatı və uçotu sahəsində də müsbət dəyişikliklər müşahidə edilib. Belə ki, qeydiyyatdan keçmiş vergiödəyicilərinin sayı 40,6 mindən, fəaliyyətini bərpa etmiş vergiödəyicilərinin sayı isə 47,7 mindən çox olub.