24 Iyul 2018 02:07
133
İQTİSADİYYAT
A- A+

Səfir Yuris Maklakovs: Latviya əhalisi Azərbaycan məhsullarının əldə edilməsində çox maraqlıdır

Latviyada Azərbaycan Ticarət Evinin açılması önəmli hadisədir. Artıq 120 ton kənd təsərrüfatı məhsulu Latviyaya göndərilib. Latviya əhalisi Azərbaycan məhsullarının əldə edilməsində çox maraqlıdır.

Bu sözləri AZƏRTAC-a müsahibəsində Latviyanın Azərbaycandaki səfiri Yuris Maklakovs deyib.

Səfir Latviya əhalisinin Azərbaycan məhsullarının yüksək keyfiyyətini gördükcə bu mallara tələbatın daha da artdığını bildirib. O deyib: “Bu, Azərbaycanın Avropa İttifaqında açılan ilk Ticarət Evidir. Bunun böyük perspektivləri var. Azərbaycan məhsulları Latviyadan digər Baltikyanı ölkələrə də paylanacaq. Biz Latviya məhsullarının Bakıda da təqdim edilməsinə çalışırıq. Düşünürəm ki, geniş seçim imkanının yaradılması daha məqsədəuyğun olar. Bir daha qeyd etmək istərdim ki, ölkələrimiz arasında nəinki siyasi, eləcə də iqtisadi əlaqələr sürətlə inkişaf edir”.

Ticarət Evinin açılmasının ölkələrimizin ticarət dövriyyəsinin həcminə də müsbət təsir göstərəcəyini söyləyən Y.Maklakovs turizm agentliyinin həmin Evdə təmsil olunacağını diqqətə çatdırıb: “Bununla da hər iki ölkədən axın edən turistlərin sayı əhəmiyyətli dərəcədə artacaq. Latviyanın yerli özünüidarəetmə orqanının rəhbəri sentyabrın sonlarında Bakıya səfər edəcək. Biz səfər çərçivəsində mədəniyyət, incəsənət, turizm və digər sahələrdə əməkdaşlığın yollarını araşdıracağıq. Biz tələbələrin mübadiləsini də həyata keçirəcəyik”.

Nizami Gəncəvi Beynəlxalq Mərkəzinin həmsədri, Latviyanın sabiq Prezidenti Vayra Vike Freyberqanın ölkəmizə mütəmadi səfər etdiyini deyən səfir mərkəzin təşəbbüslərinin dünyada sülhün, təhlükəsizliyin, mədəniyyətlərarası dialoqun möhkəmlənməsində önəmini vurğulayıb. Parlamentlərarası əlaqələrimizin yüksək səviyyədə olduğunu deyən diplomat hər iki parlamentdə işçi qruplarının bir-biriləri ilə fəal işlədiklərini qeyd edib. O, Azərbaycan Xalq Cümhuriyyətinin 100 illiyinə həsr edilmiş qeyri-rəsmi futbol oyunlarında latviyalı deputatların da iştirak etdiyini bildirib, keçirilən mütəmadi görüşlərdə əməkdaşlığın perspektivlərinin müzakirəsinin hər zaman prioritet olduğunu vurğulayıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video