Bakıda ikinci beynəlxalq həmrəylik tennis çempionatının açılış mərasimi olub
İyulun 23-də Bakıda ikinci beynəlxalq həmrəylik tennis çempionatının açılış mərasimi olub.
AZƏRTAC xəbər verir ki, əvvəlcə iştirakçı ölkələrin paradı olub.
Sonra Azərbaycan Respublikasının dövlət himni səsləndirilib.
Ölkəmizin irimiqyaslı idman tədbirlərinə uğurla ev sahibliyi etdiyini vurğulayan Azərbaycan Milli Olimpiya Komitəsinin (MOK) vitse-prezidenti, çempionatın Yerli Əməliyyat Komitəsinin sədri Çingiz Hüseynzadə bildirib ki, bu turnir 2017-ci ildə Bakıda təşkil edilmiş IV İslam Həmrəyliyi Oyunlarının irsi kimi keçirilir. Sevindirici haldır ki, yarış həm də gələn il Bakının ev sahibliyi edəcəyi Avropa Yeniyetmələrinin Yay Olimpiya Festivalının ilk test tədbiridir. “Həmrəylik” devizi altında keçirilən çempionatda 15 ölkədən 70-ə yaxın idmançı, məşqçi və qonaq iştirak edir. Əminəm ki, bütün qonaqlarımız, xüsusilə çempionat çərçivəsində Bakıya ilk dəfə səfər edənlər Azərbaycandan unudulmaz və xoş xatirələrlə ayrılacaqlar.
İslam Həmrəyliyi İdman Federasiyasına (İHİF) da xüsusi təşəkkürlərini bildirən Ç.Hüseynzadə İHİF-in ötən il Bakıda uğurla keçirilən IV İslam Həmrəyliyi Oyunlarının təşkilində, İslam irsinin yaşadılmasında və təbliğində MOK-a dəstəyini yüksək qiymətləndirib.
Gənclər və idman nazirinin müavini İsmayıl İsmayılov Azərbaycanın dünyada idman ölkəsi kimi tanındığını qeyd edərək respublikamızda idmana göstərilən dövlət qayğısından danışıb. Bildirib ki, ölkəmizdə uğurlu idman siyasətinin təməli ulu öndər Heydər Əliyev tərəfindən qoyulub. Hazırda bu diqqət və qayğı Prezident İlham Əliyev tərəfindən uğurlu davam etdirilir. İdmançılarımız ölkəmizi beynəlxalq arenada layiqincə təmsil edir və üçrəngli bayrağımızı dalğalandırırlar. “İrimiqyaslı idman yarışlarına yüksək səviyyədə ev sahibliyi edən Azərbaycan beynəlxalq idman qurumları tərəfindən ciddi tərəfdaş kimi qəbul olunur. Ötən il təşkil olunan IV İslam Həmrəyliyi Oyunları da bu uğurlu silsilənin davamı oldu. Ölkəmizdə beynəlxalq idman yarışları təkcə paytaxtda deyil, regionlarda da keçirilərək Azərbaycanda idmanın kütləviləşməsinə yeni imkanlar açır”, - deyə İsmayıl İsmayılov əlavə edib.
İslam Həmrəyliyi İdman Federasiyasının baş katibi Mohammed Saleh Al-Qarnas çempionatın iştirakçılarını salamlayaraq yarışın dostluq və həmrəyliyi təcəssüm etdirdiyini diqqətə çatdırıb. Qeyd edib ki, idman dünyada sülhün tərənnümüdür. Hazırda Bakıda təşkil olunan bu yarışda idmançılar arasında dostluq münasibətlərinin inkişafına, İslam dəyərlərinin və fəlsəfəsinin təbliğinə yönəlib. Azərbaycanda növbəti dəfə olmaqdan çox məmnunluğunu bildirən Mohammed Saleh Al-Qarnas xalqımızın qonaqpərvərliyini və mehribanlığını xüsusi vurğulayıb.
İştirakçılara uğurlar arzulayan beynəlxalq qurumun rəsmisi yarışların gərgin idman mübarizəsi şəraitində keçəcəyinə və tennisçilərin baxımlı oyun nümayiş etdirəcəklərinə əminliyini ifadə edib.
İyulun 27-dək davam edəcək yarışda Azərbaycan tennisçiləri ilə yanaşı, Albaniya, Bəhreyn, Belarus, İraq, Qırğızıstan, Maldiv adaları, Mozambik, Rusiya, Səudiyyə Ərəbistanı, Liviya, Seneqal, Tacikistan, Türkiyə və Uqanda idmançıları birincilik uğrunda mübarizə aparırlar.
Çempionat MOK ilə İHİF arasında imzalanan memorandum əsasında təşkil olunub. Memorandum “Bakı-2017” IV İslam Həmrəyliyi Oyunlarının irsini davam etdirmək, İslam mədəniyyətini və idmanı gənclərə aşılamaq məqsədilə imzalanıb. Hədəf İHİF-ə üzv ölkələrin idmançıları arasında İslam həmrəyliyini möhkəmləndirmək, idmanda İslam şəxsiyyətini zənginləşdirmək, ən yüksək idman dəyərləri və prinsiplərini qoruyub saxlamaq, müsəlman ölkələrində idman və Olimpiya hərəkatını, gənclər arasında birlik və qardaşlığı təbliğ etməkdir.
Bakı Tennis Akademiyasında təşkil olunan çempionatda 14 və daha yuxarı yaş kateqoriyasına aid idmançılar iştirak edirlər. Tennisçilər 4 qrup üzrə yarışırlar.
Çempionatın tərəfdaşları Azərbaycan Tennis Federasiyası, Azərbaycan Dövlət İnformasiya Agentliyi (AZƏRTAC), Bakı Tennis Akademiyası, “Bir” Tələbə Könüllü Təşkilatı, “Coca-Cola” şirkəti, İdman Azərbaycan kanalı və “Toyota” şirkətidir.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Mahmud Abbas yeni hökumətin tərkibini təsdiqləyib
28 Mart
ABF rəsmisi: "Böyük İpək Yolu" turnirinin Bakıda keçirilməsi boksun ölkəmizdə inkişafının təzahürüdü...
28 Mart
Manə Mollayeva : Xallar əldə etmək üçün vuruşacağıq
28 Mart
Yekun qərar qəbul edilməyib - Emin Ağalarov
28 Mart
Əcnəbi tələbələr Quba Soyqırımı Memorial Kompleksini ziyarət ediblər
28 Mart
Gürcüstan iqlim dəyişikliyi ilə mübarizəyə 3,7 milyard lari xərcləyəcək
28 Mart
Biz unutmuruq, tarix də unutmasın...
28 Mart
Taksilərin texniki göstəriciləri, daxili və xarici tərtibatına dair tələblər təsdiqlənib ...
28 Mart
BMT-nin İnkişaf Proqramı ilə gələcək əməkdaşlığa dair fikir mübadiləsi aparılıb
28 Mart
Dövlət orqanlarında vakant inzibati vəzifələrin tutulması məqsədilə daxili müsahibə elan edilir ...
28 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!