Bakı Olimpiya Stadionu Xüsusi Olimpiya Hərəkatının 50 illik yubileyi münasibətilə qırmızı rəngə boyanıb
Xüsusi Olimpiya (Special Olympics) Hərəkatının yaradılmasının 50 illik yubileyi münasibətilə iyulun 20-də saat 21:30-da Bakı Olimpiya Stadionu qırmızı rəngə boyanıb. Azərbaycan Xüsusi Olimpiya Hərəkatının “İnklüzivlik üçün binaların işıqlandırılması” təşəbbüsündə fəal iştirak edir. Əlamətdar gün münasibətilə Azərbaycan ilə yanaşı, dünyanın müxtəlif ölkələrində simvolik memarlıq abidələri qlobal birliyin rəmzi kimi qırmızı rəngə boyanıb.
AZƏRTAC xəbər verir ki, Xüsusi Olimpiya Hərəkatının missiyası əqli əlilliklərə malik insanlara qarşı ayrı-seçkiliyə son qoymaq və inklüziv cəmiyyətlər formalaşdırmaqdır.
“Əqli əlilliklərə malik insanların harada yaşamasından asılı olmayaraq, onlarla bağlı məlumatlılığın artırılmasına göstərilən böyük dəstəyə görə minnətdarıq. İnklüzivlik naminə binaların işıqlandırılması Xüsusi Olimpiya Hərəkatının missiyasının davam etdirilməsinin və təkamülünün rəmzidir”, – deyə Xüsusi Olimpiya Təşkilatının rəhbəri Timoti Şiver deyib.
Dünyada 100-dən artıq bina bu təşəbbüsdə iştirak edir, tolerantlıq və fərqliliklərə hörməti təcəssüm etdirir. Bu təşəbbüsə ABŞ və Kanadada Niaqara şəlaləsi, Mexikodakı “Müstəqillik mələyi” abidəsi, Pekində “Su Kub”u da “qoşulub”.
İnklüzivlik naminə binaların işıqlandırılması təşəbbüsü iyulun 17–21-də Xüsusi Olimpiya Təşkilatının 50 illiyi münasibətilə Çikaqoda keçirilən yubiley tədbirlərinin bir hissəsidir. Çikaqo 1968-ci ilin iyulunda ilk dəfə keçirilmiş Beynəlxalq Xüsusi Olimpiya Yay Oyunlarına ev sahibliyi edib.
Xüsusi Olimpiya idmançıları, məşqçiləri, azarkeşləri və məşhurları sevinc, cəsarət və hüquqlarının təntənəsi olan 50-ci yubiley mərasimlərində iştirak etmək üçün Çikaqoda toplaşacaqlar.
“Toyota” şirkəti tərəfindən təqdim olunacaq ilk vahid futbol kubokunun təqdimatı “CIBC Fire Pitch” və “Toyota Park” meydançalarında baş tutacaq. Bu kubokda əqli əlillikləri olan və olmayan idmançılar birlikdə yarışacaqlar. İyulun 20-də dünyanın müxtəlif ölkələrindən gəlmiş hüquq mühafizə orqanlarının əməkdaşları və əlil idmançılar məşəl qaçışında iştirak edəcəklər. Dörd millik (6436 metr) qaçış ilk Xüsusi Olimpiya Oyunlarının keçirildiyi “Soldier Field” abidəsinin yaxınlığında “Əbədi ümid məşəli”nin alovlandırılması mərasimi ilə yekunlaşacaq.
Təntənəli tədbirlərin sonunda Xüsusi Olimpiya Təşkilatı idman və əyləncəli oyunlardan, sərgilərdən ibarət, eləcə də milli yeməklərin nümayiş olunduğu ailəvi qlobal inklüzivlik günü bayramını təşkil edəcək. Burada dünya ulduzlarının iştirakı ilə konsert keçiriləcək.
“Xüsusi Olimpiya” hərəkatının 50 illik yubiley tədbirləri Azərbaycanda da davam edəcək. Sentyabrda Bakı Xüsusi Olimpiya Qlobal Gənc Liderlər Forumuna ev sahibliyi edəcək. Azərbaycan da daxil olmaqla 30 ölkəni təmsil edən 30-dən artıq gənc və yaşlı liderlər sentyabrın 24-dən 28-dək Bakıda toplaşacaqlar. Forum “Xüsusi Olimpiya” şüarı altında gənclərin aparıcı rol oynayacağı sosial layihələrin yeni erasının əsasını qoyacaq.
Azərbaycan hökumətinin dəstəyi ilə keçiriləcək forum iştirakçılara öz ölkələrində daha inklüziv icmalar formalaşdırmaq üçün təlim verəcək və imkanlar yaradacaq. Forumun keçirilməsi haqqında qərar cari ilin aprelində gənclər və idman naziri Azad Rəhimov və Xüsusi Olimpiya Təşkilatının Avropa və Avrasiya üzrə prezidenti və icraçı direktoru David Evangelistanın iştirakı ilə keçirilən imzalanma mərasimində elan olunub.
Eyni zamanda, növbəti Xüsusi Olimpiya Yay Oyunları gələn il martın 14–21-də Əbu-Dabidə keçiriləcək. Dünyanın 170-dən artıq ölkəsini təmsil edən 7 mindən artıq xüsusi olimpiya idmançısı bu yarışda iştirak edəcək.
Xüsusi Olimpiya əqli əlillikləri olan insanlara qarşı ayrı-seçkiliyə son qoymaq və onları səlahiyyətləndirmək məqsədilə idman, səhiyyə, təhsil və liderlik proqramlarının istifadə olunduğu qlobal inklüzivlik hərəkatıdır. 1968-ci ildə təsis olunan hərəkat 170-dən artıq ölkədə 5 milyon atleti və tərəfdaşı əhatə edir. Xüsusi Olimpiya Hərəkatı bir milyondan artıq məşqçinin və könüllünün dəstəyi ilə il ərzində Olimpiya Oyunları formatında 32 yarış və 108 min oyun və müsabiqə təşkil edir.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Gürcüstanda müsəlman icmasına daha 20 məscid veriləcək
29 Mart
Cəmiyyətin Ermənistan işğalı altında olan kəndlərin azad ediləcəyi ilə bağlı gözləntisi yüksəkdir-SO...
29 Mart
Oğuz sakinlərindən nəcib təşəbbüs - yanmış meşə sahələri bərpa edilir
29 Mart
İnzibati Xətalar Məcəlləsinin bir sıra maddələri üzrə cərimələrin məbləği artırılır...
29 Mart
“Şahin” hərbi-idman oyununun Şəki rayon turunda 11 komanda mübarizə aparıb
29 Mart
“N” hərbi hissəsində komanda-qərargah təlimi keçirilib
29 Mart
Ermənistanda Vladimir Solovyovun verilişlərinin yayımı dayandırılıb
29 Mart
Bərpa olunan enerji mənbələrindən istifadə sahəsində layihələrin həyata keçirilməsi üzrə komissiyanı...
29 Mart
Azərbaycanda su təchizatı və kanalizasiya sisteminə qoşulmanın qayda və şərtləri yenilənəcək...
29 Mart
“İlham Əliyev. İnkişaf - məqsədimizdir” çoxcildliyinin 132-ci kitabı çapdan çıxıb
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!